此行山路段適合年紀較大或體能較好嘅小朋友，因沿路有頗斜嘅斜路和樓梯，而且唔見有涼亭或洗手間。
只有前段嘅沿海路段有長櫈可供休息。所以建議年紀較小嘅小朋友只喺海邊行行和玩玩沙或到達農莊後折返。
⬇稔樹灣
行山路段初時經過一個好長嘅沙灘。由於唔係康文署管轄，所以可以入內玩沙。(但請注意安全！)
⬇漁港村落
經過村莊，四周都種滿唔同嘅農作物，可以俾小朋友認識下農夫平時耕作嘅情況。(但經過時請保持安靜，唔好影響別人啊~)
⬇六角聖母亭
沿路會見到樹上掛著14個十字架，稱之為苦路，象徵耶穌受難時嘅十四個站。最後到達小花園，內有聖母亭，風格中西合璧，份外特別。門口外嘅拉丁文寓意為「進入者得平安，離開者享安樂」。
⬇永援聖母橋
建於1960年嘅「永援聖母橋」上行走，到達彷如隔世嘅熙篤會聖母神樂院 。因疫情關係，院內不對外開放。
⬇神樂院教堂
山上嘅神樂院更顯清幽，環境優美。
本來條路可以行去梅窩 ，但由於考慮到回家嘅路徑似乎由原路回家較方便，所以我哋決定原路折返，結束行山之旅。
稔樹灣村+神樂院教堂
路線：稔樹灣村入口 > 愉景灣稔樹灣 > 神樂院 > 銀礦灣泳灘 > 愉景灣稔樹灣 > 稔樹灣村
交通：去程於欣澳乘愉景灣巴士DB03R線，於愉景灣廣場下車，面對愉景灣消防局沿著愉景灣道向左行，過對面馬路，行入遊艇徑。
Facebook
Email
WhatsApp
Add a comment