等左大半年，荃灣廣場全新逾3萬呎既PLAY GARDEN空中樂園重新開幕喇～今日我就同維尼b，二寶率先去左試玩！哥哥維尼b玩完，回家不停重重複講：「荃灣廣場新開既遊樂設施真係好好玩！」而且好多以前唔敢玩既遊樂場設施，今日都勇敢嘗試，技能解鎖。

現場分為3大區域— 空中彩虹遊玩區、雲下休閒區及期間限定主題打卡區。

 

設有8米「彩虹晴空塔」及場內設有7條不同高度的滑梯。

⬇雲兒城堡
有訓練平衡的平衡橋、刺激感官的小圖案推軌，再三鼓勵，哥哥成功挑戰平衡橋！

新設計以圓欖型及傳統輕巧式鞦韆二合為一，除了享受離心力的刺激感，亦可刺激大腦前庭感覺，岩晒二寶呢個時期既感統發展需要！

另外，仲有萌萌幼兒版既雲上鞦韆，兜型設計保護性高，2歲以下既幼兒都夠晒安全！

可以轉動既繩網陣，有助訓練肌肉耐力、動態平衡感！二寶就當「氹氹轉」咁推。

⬇雲上山丘 太陽山丘（細b區：2-5歲）

不同層次既圓拱型設計，配以繩索、綱管小隧道、小小梅花樁、攀爬彩球、滑梯、斜坡等，岩晒2-5歲既小朋友，手腳並用咁爬上去，訓練手眼協調同膽色！我家二寶絕對膽色過人，佢唔要爬，要行上去！

傳統公園「大彈弓」搖搖設施，搖身變成雲朵造型，充滿少女心，好夢幻，打卡一流！可惜我家2位少爺唔肯坐定定打卡！

 

⬇音樂彩虹 （細b區：2-5歲）

可以隨心敲打彩虹管，發出聲響，奏出屬於自己既樂章！

具有迷宮、過三關遊戲等觸感活動組件，訓練孩子手指小肌肉及邏輯思維，激發孩子視覺、觸覺等感官成長，特別岩二寶呢類細b玩！

 

大家可以於「雲下」盡情放鬆，小坐休息聊天！

唯媽點評：

今日率先試玩，新設計除左「玩樂」，仲加入左好多「體能」、「感統」元素；而且設施貼心地可分為「大B區」，「細b區」(2-5歲），屋企有齊大細b都岩玩，唔怕悶親其中一個！

 

鼓勵小朋友自備水樽，以減少塑膠飲品樽。

為部份公園設施提供電力，讓小朋友從日常生活中認識環保。

地點：荃灣廣場5樓

開放時間：早上10時30分 至 晚上10時 00分

遊樂區開放時間：早上10時30分至晚上8時 00分 (下午2時30分至3時 00分為清潔消毒時段)