港島區爸爸媽媽注意，北角有新開嘅親子主題餐廳啊！
好開心Parenting Headline 親子頭條邀請我地優先試玩KidsKiss，新場地係北角和富中心，場地好大，有好多唔同設施同遊戲區，啱哂一家大細過嚟大放電。
場內劃分唔同區域，餐廳用餐區、行李儲存區同玩樂區。先同大家分享玩樂區啦！
⬇Dressing Room
小朋友最鐘意嘅角色扮演，可以扮醫生、護士、消防員等等，仲可以化妝吹頭扮靚靚添。
⬇小舞台
打扮完就去小舞台影返張靚相。小舞台色彩繽紛美輪美奐，最佳打卡位。
⬇嬰幼兒遊玩區
年紀小嘅小朋友可以係呢度玩波波池、滑梯、吊床，四周都係軟墊包圍，設計好貼心。
⬇D Mind and the Prince 閱讀區
小朋友可以揀D Mind and the Prince 嘅圖書，字卡閱讀，吸收知識。
⬇波波池
結合繩網、波波地同滑梯🛝，小朋友可以爬上爬落，玩滑梯🛝放盡電量。
⬇Supermarket
大型Supermarket大大滿足小朋友嘅購物慾，推住購物車去大買喪買，水果、益力多、薯片，甚至連凍肉都有，買完仲可以去收銀處俾錢。
⬇餐廳用餐區
餐廳環境闊落，座位好舒適。餐點賣相十分精美可愛，而且有素食，照顧唔同需要人士。
另外當日仲有嘉賓講座、扭波波、Face Painting同Photo Booth，嘉賓分享咗唔少育兒心得，令到我獲益良多。
睇完介紹，係咪好想即刻去玩，咁就要留意 KidsKiss 親子主題餐廳嘅Facebook及IG公佈！！
KidsKiss
地點：北角和富道21-53號和富中心地庫B01B舖
Facebook
Email
WhatsApp
Add a comment