第部分：任玩最矚目既滑梯！滑梯從2樓滑到1樓～小朋友要自己玩，家長在1樓等，滑梯係幾長但唔係太快所以吉唔驚，佢玩左4，5次～除左滑梯，仲可以任玩1樓既設施（其實場地唔大），比較特別既係用公仔木棒觸控大螢幕玩小遊戲（吉好鐘意玩呢個），其實仲有個小屋加小滑梯、小型籃球架、同有D訓練小朋友大肌肉既踏板～

 

評價：老實講…玩滑梯超級唔方便滑梯入口在2樓，但2樓就真的只有滑梯入口，我要先帶吉行到去滑梯入口，幫佢戴上職員俾既即棄鞋套，望住佢”sir”落去之後，我就要行返去隔離既公眾扶手電梯搭返落1樓，呢個時候其實吉已經自己到左1樓（因為佢第一次玩時我怕佢驚，我係諗住在1樓等佢落黎接住佢，但原來唔得，因為我未到佢已經到左），如果佢再玩，就要幫佢除鞋套，一齊搭返扶手電梯去2樓，去到滑梯入口又再戴回鞋套……玩左3次之後，我覺太麻煩就唔幫佢除鞋套，我抱住佢搭扶手電梯佢唔落地，咁就唔洗幫佢除黎除去，但……我自己都要又除又戴因為我陪佢在1樓玩時，我係要戴鞋套既…我搭扶手電梯時就要除鞋套(想讚揚下負責滑梯果個姐姐好nice~)

第部分：由1樓sir滑梯去到地下，呢20分鐘係做小手作，當日做了一個透明圓形吊飾～吊飾裡有一個圓形輕黏土，係自選3隻顏色黏土再輕輕捽做圓形的，再幫佢加上眼晴 同嘴巴，倒入少許閃粉完成。

 

評價：教做小手工的職員姐姐有點兇感覺上有點不耐煩，對所有小朋友都呼呼喝喝（只係我個人觀感）呢個小作部分好似係星期六日及公眾假期先有，所以平日黎就會得40分鐘玩

 

第部分：尋寶遊戲！到指定區域尋找冬甩！職員會俾一個籃小朋友，小朋友就要收集散落在地上既冬甩，仲有全場唯一一粒既金色星星（不過好似到完場都無人搵到）大約10－10min，夠鐘之後就拎個籃出黎自己數下收集左幾多個冬甩再告知職員，職員就會送小禮物俾小朋友，我地既係顏色筆～

尋寶遊戲場地

評價：呢個環節最鐘意玩～我都覺尋寶遊戲好特別，平時d playhouse無得玩不過家長要喺出面等（隔住個網，係睇到入面既），無得一齊入去尋寶，所以太細既小朋友可能未必玩到

總括：我覺得係值得去既，因為比起平時既playhouse係特別既，吉亦都玩得好開心，但…玩一次ok，我唔會想再黎玩第二次（個人評價只供參考）玩既場地真係唔大，我陪吉玩，而吉爸就要搵地方hea，佢本身想去隔離既Donut Cafe坐，可惜唔多坐位但就好多人…所以佢就推住冬冬周圍行左1個鐘……

 

我反而覺得荃灣果間Donut Cafe playhouse好D，荃灣店又有埋野食，坐得舒服，地方大，同荃灣店既職員比較nice～不過荃灣店就係一般playhouse咁2小時任玩咁既～

適合年齡：3－12歲

開放時間：11am-7pm（星期一至日）

價錢：星期一至五 ＄220／40分鐘

星期六日及公眾假期＄240／60分鐘