今年雨豬媽好開心可以出去慶祝生日，我地揀左Rosewood 酒店staycation，Rosewood 酒店真係好大好靚!

我地大約2:30左右check in房間，因為怕要等，又因book左三點playroom，所以預早少少登記，點知比我想像中快完成，雨豬仔當然急不及待要去玩啦，雨豬媽當然一早預備晒節目，先去27樓playroom玩下先！

27樓全層都是小朋友天地，房間設有不同主題。有Curious jungle，Big sky ，Mad space 同 Deep blue，而play lab就係for summer camp既小朋友。每個主題房玩既野都不一樣，所以雨豬媽都頭痕左一輪，不過Mad space就岩大少少小朋友玩！

每間playroom 房都可以望到好靚既海景，而且係一家獨佔整個房間，想點玩就點玩，不只小朋友可以玩，連大人都可以玩埋一份，又可以不停打卡，真係開心死！playroom亦都設有獨立洗手間，非常方便。

 

45分鐘一節真係唔太夠，不過仲可以係出面大廳繼續玩，而且有個好大仿火車位置睇下書，玩下其他遊戲！不知不覺都玩左好耐

 

呢層兒童天地只開放俾有訂playroom既朋友，因房卡係去唔到呢度層，所以privacy 好高，又不會太多人，可以舒舒服服去享受！

玩完當然要去房間休息一下啦！房間真係好大，雨豬仔好似玩迷宮噤，不停左穿右插十分新奇，Rosewood個廁所真係名不虛傳，又大又靚。最大驚喜係酒店竟然送左一個朱古力蛋糕及親手寫既生日卡，真係好窩心，而且雨豬仔都有份，係兩塊好靚既曲奇餅，雨豬第一時間就食左

我地安排左第二日先游水，因為要自己排隊而且係先到先得 所以我們好早就起身，點知遇上雷暴警告無得游水，唯有去影下相啦！個游泳池真係靚到不得了，海天一色，一望無際，因為時間早我地基本係包場想點影就點影！雖然話雷暴警告但天色一啲都唔似！

雨豬媽真係好想落水游，所以將後面節目延遲左，皇天不負有心人終於被雨豬嗎等到可以落水，雨豬仔玩得超開心！游完水我地再去玩playroom，今次去另一個主題房，兩日一夜就噤完結左！

估唔到Rosewood酒店都好岩噤細個小朋友黎，食野，行街，玩樂，游水都可以填滿晒所有時間，晚上留係房間又唔會悶，有多套影片可以任睇，大人小朋友都有，又可以舒舒服服浸浴，今個staycation真係好滿足！

 

唔想錯過我地吃喝玩樂資訊，請記得like我地

IG

#hannah雨豬仔之吃喝玩樂世界 #雨豬仔之吃喝玩樂世界 #雨豬仔世界 #babyhannahlala #Hannahlala #babyhannah #rosewoodhongkong #瑰麗酒店 #海天一色泳池 #浸浴 #staycationhk #playroom #summercamp #swimmingpool #swimming #渡假酒店