放大假可以帶小朋友去邊度玩？
真係諗到頭都爆！好多地方又唔開，天氣時好時壞，堂食又有人數限制，晚市又唔開，所以都唔去得遠。
我揀啲3-4個鐘既活動就算，行山係我地呢排幾熱門之選。
睇下風景，活動下，有益身心呀嘛。話晒困左咁耐，真係需要郁下。
今次因天色麻麻地仲有少少毛毛雨，揀左條同樓下公園一樣咁簡單既家樂徑
由小西灣出發去到黑角徑，舒舒服服就可以睇到靚景。
想挑戰難度可以落石灘搵傳說中嘅古代石刻
（註：小朋友行唔到架）
大浪灣果個屬於新石器時代架～或者再上山駁返去龍躍徑行去睇碉堡
好多人同果個大電視機打卡架！
不過今日天氣麻麻，我地來個快閃遊就走了～
前往方法：柴灣港鐵站轉乘小巴44M/47M在藍灣半鳥
起回：藍灣半島步行約5分鐘至小西灣海濱花園
Facebook
Email
WhatsApp
Add a comment