欣澳睇日落+長索島打卡呢幾日天氣幾好，黃昏開始冇咁熱，於是我哋就去咗欣澳行下睇日落。
呢條路線全程大部份係平路（有少少少少樓梯)，所以係好輕鬆。前前後後連埋影相打卡，大約用咗兩個鐘（小朋友的腳程
)。
)。
起點係欣澳站，A出口直行穿過巴士站，去到海堤路就轉左一路向前行。
海濱長廊好好行，望過對岸已經見到長索島，水中心就見到大大小小嘅木樁插喺水，左邊就係地鐵列車，天空時不時都有飛機經過，感覺好悠閑，沿途都可以影到好多靚相
行完海濱長廊就到鹿頸村，可以感受下漁村風情。村入面亦有啲士多，可以買啲飲品補給。
過咗鹿頸村碼頭就會見到有啲樓梯落去石灘，之後再向前行多幾分鐘就到長索連島沙洲喇！！！
睇啱潮退嘅時候黎，鹿頸村同埋長索島中間嘅一段路就會露出水面，可以行去對面長索島。
呢度除咗影相打卡，仲會見到好多蟹仔喺石灘度；唔好拎走佢哋呀，睇吓好啦
影完相之後就沿原路返番起點，我哋離開長索島嘅時候係六點幾，太陽已經落咗山，鹿頸村一段路都幾黑㗎～ 建議大家早少少出發～
長索島
地點：大嶼山北部陰澳灣長索島
前往方法：起點係欣澳站，A出口直行穿過巴士站，去到海堤路就轉左一路向前行。
前往方法：起點係欣澳站，A出口直行穿過巴士站，去到海堤路就轉左一路向前行。
Facebook
Email
WhatsApp
Add a comment