上次豬仔包去完森林探索樂園Jungle Kidventure之後，一直話好玩想去多次，媽媽知道佢哋響天水圍開咗分店，梗係試吓嘉湖新店啦。天水圍嘉湖分店佔地6000呎，以糖果做主題，名為《糖果探索樂園 Candy Kidventure》，共有7大遊戲主題區：

 

豬仔包第一樣玩嘅就係沙池，同megabox分店一樣，係用天然山楂籽代替真沙。由於天然山楂籽會帶有少許天然微酸氣味，一向對氣味敏感嘅豬仔包一踏入去就聞到，原意為佢唔適應，點知係好鍾意，玩玩吓都要聞番陣添。

唔止豬仔包鍾意，其實連媽媽都好鍾意，不過媽媽唔係鍾意佢嘅氣味，係鍾意佢唔會好似木粒沙池咁吉腳，又乾淨過玩真沙，玩嘅時候仲發出聲響添。

 

玩完沙池我哋就轉戰旁邊嘅飄浮氣球彈床 ，豬仔包一路跳一路拋汽球，安全得嚟又可以放電。講到放電，必選糖果主題嘅充氣滑梯+迷宮，豬仔包來來回回玩咗數十次滑梯，仲用唔同花式滑落嚟，迷宮就爬嚟爬去，開心到暈。玩完咁激烈嘅運動，意為豬仔包要坐低飲啖水抖抖，點知轉眼已經去咗掟波同玩車車，不過唔知係咪玩滑梯極速用哂啲電，手軟腳軟冇乜力，媽媽係時候帶豬仔包去充電，下次再玩過啦。媽媽好欣賞人流不多時可彈性時間入場，仲有得㨂玩一小時或兩小時，去開天水圍或者住附近，不妨試玩一下。

地址：天水圍置富嘉湖商場2期地下 G03-07號店（G2000對面）

交通：輕鐵銀座站，過對面2分鐘直達。

預約及查詢： 5728 1142 （WhatsApp )內容要注明嘉湖店

開放時間：星期一至五 11:30 – 20:30；星期六、日及公眾假期 10:30 – 20:30