⬇馬鞍山井頭村沙灘
⬇玩直立板橡皮艇
今次約朋友一齊玩，朋友提供埋直立板橡皮艇。佢屋企附近簡直係世外桃源。第一次玩橡皮艇船身比獨木舟輕，所以容易啲去水但會比較易反艇，可能今次船程超短，無跌過落水。
⬇滿佈岩石嘅小島
扒一陣就到左一個滿佈岩石嘅小島，個島冇嘢玩但打卡先，影完相就出發去岸邊嘅沙灘啦！
⬇睇海星
沙灘其實就喺出發嘅石灘附近，岸邊好淺水，沙好幼仲見到海星，小朋友玩水啱晒。
我哋今次扒艇嘅路線真係好短純粹過下癮，唔使咁辛苦其實仲啱我。兩點幾出發。影下相Hea下玩到五點，今次真係好盡興～唔使租艇時間更易控制，在外靠朋友真好。
⬇草地
上左岸快閃附近草地影張相，個草地啲草好長，感覺其實有啲雜草叢生仲有啲雜物⋯野餐就唔適合啦，不過影張相都ok。
溫馨提示：
岸邊比較多石，最好穿着潛水鞋保護腳趾。
水上活動記得量力而為。
馬鞍山井頭村沙灘
交通：港鐵大學站乘乘807K小巴，或馬鞍山公園天橋下乘807K小巴，總站下車，穿過村屋到海邊。
Facebook
Email
WhatsApp
Add a comment