#觀塘海濱長廊 其實環境唔錯，不過又未吸引到我哋會專登去果度玩下行下。

剛剛的Weekend 終於有機會拜會呢個五千萬的音樂噴泉

初初真心唔明點解咁貴，原來佢係貴在唔係靠電腦控制噴水pattern,而係靠大家自行踩地下某啲控制panel造成互動體驗，每次出水位都有機會唔同，大人小朋友一齊響度左閃右避，睇吓邊個可以全身（乾身）已退

同場加映考考小臂力嘅半天吊spin , 高得滯嘅大人係玩唔到，矮得滯嘅小朋友又唔夠高玩喎 所以大人要響側邊傍住佢哋隨時唔夠力會放手落地，不過用嚟鍛煉臂力係唔錯選擇

Reflection

其實係咪我哋比較異類定我家有一個 #過度活躍 嘅隊友同大公主呢？同場只有佢兩個衝入去玩個噴泉 當日星期六下晝都有唔少小朋友響附近玩，但每次啲小朋友想衝去噴泉玩時都會俾身邊嘅家長拉住咗，可能驚濕身啩

係嘅⋯未必個個都可以接受小朋友玩到 #headtotoe 都濕哂而無衫換的 我行開同小公主玩咗陣就見到我家兩個過度活躍人士玩到鞋都除埋

玩樂時要盡興，濕咗身就響有限嘅衫褲配對下，著住爸爸件衫做住一陣 #潮童 先啦

觀塘海濱公園
位置：觀塘海濱花園近巧明街入口
前往方法：港鐵牛頭角站 (B6出口)，沿巧明街向海濱道步行10-15分鐘。