媽媽同豬仔包響10月份參加咗一個名為「 中電智FUN營 」嘅活動。活動係由AYP同CLP 中電合辦， 響黃昏時份進行，内容包括參觀首個以電力工程、能源和環境保護為主題的「 中電E-Playground 」及體驗2021年開幕的香港青年獎勵計劃賽馬會愛丁堡公爵訓練營之營地活動。「 中電E-Playground 」響2021 年4月開幕，入面所有嘅新奇互動遊戲設施都同電力相關，務求令公眾對發電原理、能源同埋再生能源系統嘅運作多啲了解，並啟發大家對能源科技同埋工程學嘅興趣。

 

⬇中電E-Playground
我哋首先去到營地接待處集合，等待期間就睇吓接待處牆上關於愛丁堡奬勵計劃嘅歷史同發展資料。另外媽媽仲發現有營地地圖，睇完先知，原來可以宿營。點完名，我哋就去到活動室聽職員講解「 中電智FUN營 」嘅活動流程，之後就開始我哋嘅半日camp旅程啦。

葉形環保紙寫願望，透過以上有趣嘅方式，等小朋友學習到再生能源發電嘅原理。

玩完之後，職員帶我哋參觀營地部分設施，原來營地加入很多節能設施，非常環保。

 

我哋就去營地嘅餐廳度食晚飯啦。每人都可以取一個飯盒同飲品，自己㨂位坐低慢慢食，食完自己收拾。

由於有1小時晚餐時間，食飽飽又未夠鐘，媽媽就同豬仔包去外面行吓，發現有木箱形嘅遊樂設施，豬仔包爬上爬落，玩得非常開心，中途仲有小朋友幫忙扶豬仔包，超有愛！晚餐時間過後，就開始體驗訓練營嘅營地活動啦。

第一個係HADO AR閃避球，參加者分兩組對戰，不止要攻，亦要守，仲要走來走去閃避，係一個需要體力同技術嘅遊戲。本意為豬仔包咁細個唔玩得，但個AR頭套豬仔包竟然都戴到，可以同啲哥哥姐姐一齊玩，小朋友玩完，大朋友都可以試玩，大家都玩得好開心。

第二個項目地壺球，其實玩法與冰壺類近，考驗參加者專注、眼界同策略等方面，雙方對戰，緊張又刺激，唔到最後都唔知邊隊贏。豬仔包力氣實在太小，推出去嘅地壺完全未到標準位置，但隊友們不但沒有嫌棄佢，仲比掌聲鼓勵佢添，真係非常有團隊精神。由於比賽係兩隊輪流推地壺，有家長仲幫忙叫小朋友比豬仔包先推，唔駛佢排隊等，媽媽真係覺得好幸運，今次活動可以遇到咁好嘅小朋友同家長，全部都好有愛，豬仔包響大家嘅照顧之下，玩得非常開心。

「 中電智FUN營 」整個活動媽媽都非常喜歡，可以比小朋友學習節能環保知識，又可以體驗新興營地活動，但活動媽媽就覺得比較適合大啲嘅小朋友，不過活動係無年齡限制，任何人都可以參加，而且仲要免費，12月已經開始接受報名，大家有興趣都不妨試吓。

 

地址：新界大埔林村坑下莆90號

查詢：2627 2062 蔡先生

報名：https://forms.gle/xasnTGdQ4hcJ9keK7
截止報名日期：16/11/2022