一向我哋都鍾意搵吓邊度有d免費又具意義嘅親子活動~我哋去得最多嘅室內地方除咗科學館同太空館外，就係圖書館！原來香港公共圖書館已經成立咗60 年~香港圖書館節亦以「喜閱同行六十載」為主題，舉辦一連串活動，包括手藝工作坊、文藝節目、故事環節等。我同咗孖寶去咗香港中央圖書館。

⬇打卡位
⬇多媒體互動展
從探究中學習~場內有唔同嘅體驗區，俾小朋友認識圖書館嘅歴史、唔同圖書館嘅特色部分，仲有唔同嘅攤位遊戲，贏咗兩個可愛嘅口罩。  

展覽館參觀。龍鳳寶寶學到好多知識，獲益良多~佢哋覺得最新奇嘅係見識到甲骨文、竹簡同線裝書，雖然只係仿製品，但攞得上手睇，可以體會到原來以前d人嘅書係咁，我仲延伸問問小朋友知唔知點解以前d書係咁~啟發佢哋嘅思考。

展館有個駐場扭氣球叔叔，小朋友各自得到一個熊bear bear氣球。

我哋仲參加咗故事齊FUN享活動。

平時我講故仔俾孖寶聽都講到口水乾，今次唔使我再講喇。在場有故事大使分享故事，仲會不斷問問題啟發小朋友思考。最後仲有禮物收，得到了一份香港特色建築物嘅紙模型同七巧板，真係有得玩有得學仲有得拎！咁多正嘅活動，仲唔快d去報名！

 

日期：即日起 至 11月20日

時間：10:00 至 20:00

地點：香港中央圖書館展覽館
網站：http://www.hklibfest.gov.hk