早幾日趁阿女返左學，去左「藝行生活館」

真真正正METIME一下。

今次呢個展覽《如花。如水。如母》

係一個以「二十一世紀香港母親」為核心對象的藝行研究和實踐計劃。

展館內有一百位母親嘅手繪圖畫、文字、錄音..

作為一個媽媽同人地嘅女兒，睇到其他母親嘅畫象、經歷，都好有感觸。

而當《悄悄(話)畫》 裝置好特別，參觀者可以講出一啲詞語，就可以搵到一百位母親總共有幾多人講出左同一個詞語。 感覺好有趣，喺一百位唔識嘅母親口中搵一點共鳴，真係好特別。

另外仲有2位藝術家嘅作品分享同一啲傾談時間。幾位媽媽一齊聽下人地嘅回憶， 又睇下藝術家拍嘅片段。令人有點感觸。

巧合地當中播放嘅片段，就係我從小到大會行嘅路。

兒時最愛「探險」嘅路： 其實只係短短十幾秒行得晒嘅路，細個每次行都會好緊張。好似探險咁。

片段由我細個返屋企嘅路、行到我而家住嘅地方。

到我結婚生大囡，果時我仲要返工，每日就由公公接放學，我收工就返娘家帶阿囡返屋企。

因為當時爸爸仲在世，所以呢段係最令人懷念，最幸運嘅時光。

呢段路雖然好近好近… 但而家好少會行…睇呢段片段令我回憶返晒嚟，好感觸。

   

今次呢個「藝行生活館」，是計劃的重要總結平台，給公衆提供三個「行觀的空間」，包括「如花」互動展覽館、「如水」藝行實驗館及「如母」畫廊

各位有時間不妨去感受一下。

日期：2021年11月25日-12月28日 （逢星期三休館）

時間：11:00－18:00

地點：COLOUR BROWN @深水埗 (深水埗黃竹街13號一樓 *須步行上一樓)