最近太多新聞都唔太開心，所以去左戶外透透氣，吸收下正能量！
今次揀左去心形湖，簡簡單單行左個零鐘。
由古洞街市對住小路行入去，見到公廁後繼續前行就會見到有一條分叉路，左邊去水塘，大家可以沿水塘行一個圈。而分叉路右邊上去配水庫，沿鐵網小路一直上就可以見到心型湖！
準備膠袋同夾，去郊區執下垃圾。平時行山都有發現有好多唔同類型既垃圾。
今次認真執既時候，先發現。原來為左自己一時既方便，真係可以整到周圍都好污糟。
垃圾真係好多，一個膠袋都帶唔晒，黎緊每次行山我地都會準備好袋同夾，希望每次需要執既垃圾會越嚟越少啦！
古洞水塘心形湖路線：古洞街市 -> 古洞水塘 -> 古洞配水庫山崗
前往方法：於上水站乘搭76K巴士；或50A小巴至古洞街市下車
全長：約1公里
時間：大程1小時
Facebook
Email
WhatsApp
Add a comment