今次我地來到荔枝角室內wargame場。首先，職員會叫家長填張Google form有關小朋友嘅condition同埋緊急聯絡人資料，跟住就付款。等齊參加者，職員就會開始講解啲服裝及裝備。我地今次揀咗玩水彈槍，職員好仔細地講解用槍方法，確保小朋友安全使用，為免受傷。聽完講解就可以攞防彈背心、頭盔及手套。跟住，入戰場前就可以攞槍，分兩隊互打。家長們可以係外面睇CCTV ，見到啲小朋友跑來跑去，都幾搞笑，大概10分鐘，場槍戰就會完，小朋友出返來休息區，除低頭盔，飲下飲品食下小食（場地免費提供）。大概5-10分鐘再返入戰場，我地個session 係2:30至6:30 （因為我地一班同學仔去，等齊人加講解都用咗1個鐘，所以其實玩咗3個鐘！）