今年其實好多地方都有舉辦中秋燈展，但始終都係維園嘅中秋綵燈展最好睇！今年的中秋綵燈展由香港賽馬會獨家贊助， 康文署於九月七日至十二日舉辦壬寅年中秋綵燈展，增添節日氣氛。
今年維園嘅綵燈展包括有好多不同嘅主題：
⬇招財貓貓迎佳節
⬇童年玩味慶中秋
⬇創意貓咪同歡聚
⬇朗月星輝駿飛馳
⬇鳥魚花香月滿圓
⬇十二星貓樂融融
⬇圓月故事
⬇學生綵燈以及攝影區
其實都好多唔同打卡影靚相靚燈位置，巨大嘅招財貓，機械人燈展、康文署吉祥物「活力仔」及「思文喵」為主題創作、約7米高的大型綵燈、大型走馬燈、12星座的綵燈及令人重拾童趣的懷舊燈籠等等，咁有心思特色嘅燈展，必定要去影靚相啦！其中綵燈展嘅最大亮點《圓月故事》，亦都係今年綵燈展最長時間展出嘅燈組！由本地建築師施琪珊團隊負責創作、設計及統籌，中國對外演出有限公司聯同自貢海天文化股份有限公司製作，光影展結合四川自貢綵燈的傳統工藝與現代藝術，講述中秋節的古老故事，《圓月故事》由3個月亮球體組成，高度由3米至4.5米，呈現滿月、山巒及兔子，配合燈光顏色及亮度的變化，展示月兔相融的溫馨場景
燈光仲會有唔同號變化顏色。《圓月故事》綵燈光影展將展出至9月25日。
燈光仲會有唔同號變化顏色。《圓月故事》綵燈光影展將展出至9月25日。
溫馨提示：大部分嘅燈飾都只係到9月12號，《圓月故事》到9月25日！雖然維園地方比較大，但假期一定多人，大人細路都真係要拖實！入口分別有銅鑼灣（告士打道）入口同天后（興發街），以往經驗都係天后入口會少啲啲人嘅！入場要掃「安心出行」及出示《疫苗通行證》俾保安人員檢查。場地入面係唔可以飲食㗎！留意番，場內都有好多工作人員提醒［限聚令］同［保持社交距離］！影相方面，由於係夜景，所以會有好多影相愛好者帶住腳架儀器去影，帶小朋友嘅家長一定要小朋友黑炆炆睇唔到！
維園中秋綵燈展
日期： 2022年9月7日 至 9月12日
時間 ：晚上 6時30分 – 晚上11時；9月 10日(晚上 6-12時凌晨)
地點 ：香港維多利亞公園
《圓月故事》綵燈光影展
展期：2022年9月7日 至 9月25日（星期三至日）
時間：傍晚6時30分 – 晚上11時；9月 10日(晚上 6-12時凌晨)
地點：香港維多利亞公園6號足球場
Facebook
Email
WhatsApp
Add a comment