Bookmark定系列【港島海逸君綽酒店】

天氣時好時壞，所以今個假期選擇左staycation，最正係媽媽可以休息吓。

⬇巨型露天浴缸

⬇一望無際海景

點解揀呢間酒店係因為佢地有一個露天Jacuzzi(不過成間酒店6間呢種房，所以一定要預早book)，大人可以relax 之餘，小朋友又開心到放足電！

我地仲你lush買左Bubble 蛋，玩到成個池都係泡泡，媽媽都覺得好好玩。

酒店房係7/f(開頭睇相仲以為係好高層），入到酒店房，酒店安排咗一個生果盤，咖啡機同埋預備左一啲浴鹽比客人使用。

⬇浴室

成個感覺都幾舒服望住個維港景，除咗出邊露天按摩池之外，浴室都有一個算係幾大嘅浴缸（起碼可以伸直隻腳同埋小朋友一齊都唔會覺得迫）

成個package 包左早餐，下午茶同雞尾酒餐，係41樓Le188 餐廳食，疫情關係佢就全部指定餐，飲品就可以喺吧枱嗰邊攞，但係可能因為疫情關係晚市只能夠去到6:00完，所以其實一去到2:30 check-in,跟住2:00~4:00食完個下午茶之後，4:00~6:00 就去到雞尾酒時間，帶住兩個小朋友食完下午茶之後返房玩水，就梗係唔夠時間去食雞尾酒，我哋去到嘅時候已經5:45分，但係酒店算好好，可以俾我哋takeaway返房食，如果喺餐廳食就可以飲埋酒，因為雞尾酒時段酒店安排咗唔同嘅酒可以俾客人免費飲。

⬇早餐

到咗第日早餐都係喺返41樓食，早餐唔同呢就係會有唔同款式嘅餐單可以揀，而我就覺得咁多餐早餐係算係唔錯。