益力多工場設置響大埔工業邨，位置不算難找。去到門口點名，已經見到大大隻立體嘅益力多公仔歡迎我哋，梗係即刻打個卡先啦！

打完卡，我哋就上一層去活動室，不過估唔到連樓梯都係打卡位。響活動室入面，有個用益力多樽砌嘅巨大益力多，非常吸睛，仲有兩隻益力多毛公仔同世界各地嘅益力多精品展示，真係未開始已經打卡打不停！

等齊人，就由導賞員帶住我哋去參觀廠房，響過程中仲逐一介紹每支益力多嘅誕生過程。我哋好好彩，參觀嘅時候生產過程仍然進行緊，如果生產已達每日指定數量，生產線係會停止運作架。至於響廠房生產嘅益力多原來除咗係供應香港之外，仲會供應埋比澳門。

廠房嘅機器係唔可以影相，我哋亦都係居高臨下咁觀賞生產過程，但其實都唔駛失望，因為工場內設有3D嘅拍攝區比我哋影相，遠睇真係好似入咗真廠房一樣。

參觀完畢所有參觀者會回到活動室，導賞員會講解吓益力多嘅歷史、活性乳酸菌的好處、益力多的故事及產品的真正價值等，之後就會去到問答環節，答中會有奬品，所以大家係前所未有咁湧躍去答問題，參觀時有聽書就會識答。答唔中都唔緊要，因為每個家庭都有益力多同禮物包贈送，所有小朋友走時都好開心。透過問答環節，媽媽同豬仔包都學咗好多知識，真係好適合帶小朋友去參觀。

⬇免費參觀
參觀益力多工場係免費，只要係非牟利機構（如學校、社區中心、青少年中心、長者中心、會所等）填妥表格就可以申請，每年9月1日 起就可以申請來年1-4月份，人數30-60人，問過職員，一大班同學仔申請都得。

益力多工場
報名網址：https://www.yakult.com.hk/factory_visit/