今次主要喺想帶Asher去新開幕全澳門最大嘅水上樂園同埋四層高嘅遊樂場玩。呢兩個設施都喺新濠影滙入面，所以我哋今次都揀選入住新濠影滙酒店方便去玩。我哋喺酒店換好哂泳衣之後就直接去水上樂園，酒店住客有專用通道直接進入水上樂園，玩完之後抹一抹身就可以直接返酒店房先沖涼，非常方便！樂園仲提供免費儲物櫃，先到先得。 水上樂園室內恆溫27-29度，而水溫亦恆溫28-30度，一年四季全天候都啱入場玩。
⬇太空主題室內園區
今次呢個行程最重要就係要去剛剛開幕全澳門最大嘅新濠影滙水上樂園。樂園分咗室內同戶外兩個園區，室內園區以太空做主題，入面有 好多個遊樂設施，包括：極速水上過山車、衝浪模擬器、 7 個滑水道設施、造浪池、天際星空池、星空激流之旅、同埋一個挑戰平臺跳水同攀岩歷險嘅天崖海角。
⬇太空控制台
Asher喺室內園區最鍾意玩就係太空控制台，呢個專為小朋友設計嘅太空堡壘有螺旋滑水道、滑梯、大水桶、雨林、同埋多枝噴水槍，呢個刺激度對小朋友嚟講真係啱啱好！
⬇星環激盪
⬇衝浪戰士⬇天崖海角
⬇衝浪戰士
⬇天崖海角
⬇天際星空池
我同老婆就輪流玩咗一陣刺滑水道，不過都唔敢挑戰極速水上過山車，最後由室內連接到室外天際星空池打完咭影靚相之後就出去戶外園區。
⬇戶外園區
⬇5條高達20米滑水道＋多條滑梯
戶外園區有5條高達20米嘅滑水道同埋多條滑梯，但都未啱Asher玩，反而佢喺黃金大水桶呢個小朋友專屬嘅嬉水設施就玩得好開心！
孩童專屬的嬉水樂園
另外戶外園區仲設有專為小朋友而設嘅小旋風同滑水道，Asher體驗完都話真係好刺激。
新濠影滙酒店水上樂園 Studio City Water Park
地址：澳門路氹連貫公路 新濠影滙三樓
電話：+853 8865 6767
Facebook
Email
WhatsApp
Add a comment