【 走進多啦A夢的空地水管場景 】

上篇和大家分享了中西區海濱長廊的「海中心公園」，兩兄弟玩完後我哋沿著海濱長廊走到豐物道海濱休憩用地，終於見到最近大熱的「捐山窿公園」喇！

 

呢個「捐山窿公園」真係好特別，同平時的公園好唔同，係以不同大小的渠管去組合而成，一共有3組，有全圓形的渠管，也有半圓，有斜放和層層壘，真係好似多啦A夢經常會去玩的水管空地一樣，別具特色！

 

小朋友仲可以發揮創意去玩，沒有限制，可以隨意爬高爬低，又可以瀡滑梯和玩捉迷藏，仲可以係水管入面休息傾計呢！

仲有呀，呢度影相真係好靚，好有特色，值得來打卡影相呢！

這裡還有「貨櫃兒童美術館」，四個「貨櫃」定期會舉辦藝術創意展覽，可以網上預約參加工作坊。我哋果日去到好好彩，係無預約的情況下參與到一個工作坊，可以同Aidan一齊創作大巴士。

導師會先簡單介紹巴士的歷史，再一步步教導小朋友去繪畫巴士的特徵，作品完成後真係可以玩架。

 

捐山窿公園

地址：中西區海濱長廊- 西區副食品批發市場段

開放時間：上午7時 – 晚上10時