今次去咗一座免費入場嘅互動展館，有嘢學有嘢玩，仲有得打卡同埋拎禮物！喺周末下晝去都無乜人，唔使同人逼！衞生教育展覽及資料中心位於九龍公園清真寺隔離，一級歷史建築嘅紅磚建築物，好易認！
⬇衞生教育展覽及資料中心
展館分為室內兩層+戶外花園，有各類互動遊戲、展板同模型，講解關於食物環境衛生嘅知識，其中地下嗰層有幅互動投影牆，將髹咗顏色嘅圖案紙放喺投影機，圖案就可以展示喺幅牆上，可以揀清潔工人、垃圾車、洗街車等，阿寶見到牆上有自己髹嘅畫郁嚟郁去，覺得新奇又有趣！
⬇互動投影牆
⬇迷你影院
至於地下嘅盡頭係迷你影院，有唔同嘅片畀我哋選播，雖然關於衛生教育，但都有睇頭。其中一套叫《阿德英雄傳》嘅動畫，講清潔龍阿德vs污糟龍吳德嘅故事，有劇情、有特效，又幾好睇喎！阿寶同爸爸媽媽都坐定定睇。
2樓 展板+模型
內容講食物安全、防治蟲鼠、街市公廁、滴水問題、健康生活等，不過阿寶仲未識睇字，唯有望吓模型，篤吓啲mon，再加上爸爸媽媽講解，叫做學到啲嘢。
⬇清潔香港大使打卡位
我哋行完室內就出去戶外花園，放咗歷年嘅清潔香港大使畀人打卡。除咗有而家嘅「清潔龍阿德」，仲有平安小姐、垃圾蟲、清潔小姐。除咗第1代清潔龍，其他爸爸媽媽都只係書上面見過。
我哋行完室內就出去戶外花園，放咗歷年嘅清潔香港大使畀人打卡。除咗有而家嘅「清潔龍阿德」，仲有平安小姐、垃圾蟲、清潔小姐。除咗第1代清潔龍，其他爸爸媽媽都只係書上面見過。
⬇贈送紀念品
呢座展館阿寶可以睇同埋玩外，場內仲有得扱印仔，儲齊換小禮物，咁啱我哋仲夠鐘聽公眾衛生講座。聽完可以攞紀念品，今次就拎到清潔龍阿德公仔。
衞生教育展覽及資料中心
地址：尖沙咀九龍公園S4座
港鐵尖沙咀港鐵站A1出口
入場費：免費入場
開放時間：星期二、三、五、六08:45-18:15；星期日11:00-21:00；逢星期一、四及公眾假期休息
Facebook
Email
WhatsApp
Add a comment