等天氣好時一定要再去玩啊

上次放假我地去左愉景灣玩

係我地第一次入愉景灣玩啊

原來由中環坐船直到愉景灣！船程只係半個鐘，好快捷呢!!

愉景灣環境好優美一落船已有種遠離煩囂的感覺，自然令人心情都放鬆

我地更去左DB Ice Rink愉景灣溜冰場係香港最新國際級標準溜冰場

除了可以舉辦各種冰上運動比賽，亦有溜冰學校，當日都見到唔少學生上堂同一家大小、情侶或朋友黎玩

 

愉景灣溜冰場面積達長59米闊27米!!

 

我地當日星期五下午到溜冰場，人流好少呢！人流少相對會更加安全，場地空曠溜得好舒服啊~~

媽媽我都好耐無溜冰(繼上一次應該係..5,6年前？哈哈! 好在我仍然識溜冰)

兩兄弟第一次溜冰唔太識溜同有少少緊張場內有附助學溜冰的膠欄，幫佢地壯壯膽!!

 

所以唔識溜冰都唔怕跌低!!佢地仲玩得好開心啊當日我地溜冰近2.5小時 (Yes! 入場費無限時)我地三個仍想繼續溜冰呀~~但爸爸話腳都要斷啦！原來場內更有可即時報讀的半私人溜冰課程(30mins x 1堂)唔需要預約架!

可惜我地太遲發現，兩兄弟話想我下次幫佢地報讀溜冰學校放假的話更可以去愉景灣酒店staycation

愉景灣有溜冰埸外更有大白灣沙灘大白灣沙灘近400米長!

沙灘上都有唔少比小朋友的玩樂設施呢度風景好靚~~

  

打卡位有愉景灣眺望台、心鎖長廊、大白灣沙灘

吹著海風曬曬太陽都好寫意啊！

可以好好享受慢活生活

愉景灣都有唔少餐廳選擇大部份都係西式餐廳，顧客係外國人為主。

係度有種去左外國小鎮的感覺，當然要食埋dinner先離開啦！

 

回程一樣坐船番到中環我地四個已累到坐船時都訓著左

 

DB Ice Rink愉景灣溜冰場收費及詳情

平日： 每位$ 60 / 週末及公眾假期：上午時段：$70/ 下午時段：$80 (大小同價)

週末及公眾假期：每位$ 80 (大小同價)

*費用已包括租鞋費用

*開放時段可參考

 

愉景灣溜冰學校溜冰課程

無需預約半私人溜冰課程

收費及時間：(1堂x 30分鐘; 2至3學生/班) 每位$ 250

半私人及私人常規溜冰課程

課堂時間：共5 堂，每節 30 分鐘，課程收費可參考以下網頁：