早在7月，日本已於東京以及大阪推出Sumikkogurashi 角落小夥伴10 週年紀念café，今次終於到香港啦！今次期間限定café係慶祝角落小夥伴 10 週年而設，所以隆重其事，日本破天荒授權使用一輯香港限定角落小夥伴圖案作為今次café設計元素。
⬇Café環境
今次我哋到訪嘅係Kingsley Desserts & Gourmandises 山下菓子響NINA CLUB by 如心廣場 NINA MALL嘅荃灣分店，去到餐廳門口，遠遠已經見到一班角落小夥伴 歡迎我哋，入到去已感覺被重重包圍。媽媽預先訂咗位，餐廳安排我哋坐響自成一角嘅卡位，正！
⬇角落小夥伴打卡位
⬇白熊和牛漢堡扒咖喱蛋包飯
漢堡扒非常juice好好，咖喱係唔辣嘅，岩哂豬仔包，唯一係個公仔圖案整得醜咗少少。
⬇角落小夥伴温泉蛋雞粒便當
呢個便當餐好岩小朋友食，粒粒雞唔駛切，又冇煎炸元素，味道亦不太濃。
⬇蜥蜴士多啤梨梳乎厘配海鹽雪糕
呢個甜品係豬仔包同媽媽最愛，梳乎厘用日本蛋製作，好香蛋味，士多啤梨cream好香濃，同梳乎厘好夾。海鹽雪糕只有輕輕嘅鹽味，但因為豬仔包第一次食咸味雪糕，所以都非常有驚喜！
⬇茉香芒芒芝士奶蓋
炸蝦尾圖案豬仔包非常喜歡，唔肯比媽媽攪拌吓先飲，所以媽媽只係飲到其中一部分，個人感覺唔夠甜。
全部食品賣相都好靚，餐廳裝飾又可愛到暈，食完仲有贈品送，所以豬仔包食得好開心，期待下次再轉主題，再去朝聖吓先得。
⬇消費滿$200送襟章
消費滿$200有襟章送，如果要儲齊全部贈品，真係荷包大解放先得。不過甜品杯、吊飾、陶瓷杯等等全部都係香港限定，咁靚又點忍到手呢！
同以往一樣，點不同嘅餐點會送唔同嘅贈品，包括小食餐送木托盤、便當餐送便當盒、甜品餐送陶瓷小杯、凍飲送掛飾及杯墊、熱飲送陶瓷杯及杯墊、一人洋食套餐送膠樽。
Kingsley Desserts & Gourmandises 山下菓子
地址：荃灣如心廣場商場二期2樓210號舖
Facebook
Email
WhatsApp
Add a comment