呢個設施，絕對係街坊福利嚟。留意咗呢塊嘢好耐，到底係乜東東？
原來佢係一個免費兒童充氣彈床設施。設施嘅空間唔算好大，每節遊玩時間為15分鐘，足夠小朋友放電！
而每節限12位1.5米以下小朋友入場玩，暫時佢哋只可以排隊等候，未有派籌嘅安排。亦因為設施唔算十分大，所以小朋友玩樂嘅時候，都要小心留意情況，以免發生碰撞呀！
妹妹有少少驚，家姐帶住都唔太敢玩。所以最後，妹妹都係企埋一邊睇家姐玩。

⬇開放及清潔時間：

*由於入場設為1.5米以下小孩，個年齡範圍都幾廣，所以如果年幼小朋友想玩的話，家長要自行衡量當時情況哦，始終每節入場小朋友嘅年齡或會有差距。建議穿防滑嘅襪仔！

疫情期間：記得戴好口罩，勤潔手，勿用手觸摸眼、口及鼻呀。

 

另設有清潔時間：

11:00 – 11:40am

15:00 – 15:40pm

19:00 – 19:40pm

兒童充氣彈床設施