今次同我個囡小豬腳黎旺角呢間寵物友善餐廳， 集購物、寵物美容、餐廳於一身。
提供打卡位俾主人同寵物， 寵物友善波波池 、主人餐飲 、 寵物餐 及寵物美容 ， 主人們可以係寵物沖涼扮靚靚嘅期間，食住嘢等佢，扮完靚靚仲可以即場打卡。
就算好似我地咁無寵物帶黎都可以係度食嘢同打卡影影相架，呢度有好多個打卡位都好靚， 我同小豬腳鍾意呢個寵物友善波波池、花花吊椅、 霓虹燈寵物主題打卡位同車車打卡位。
⬇寵物友善波波池
⬇花花吊椅
⬇霓虹燈寵物主題打卡位
⬇香烤春雞伴薯菜
⬇香烤春雞伴薯菜
今次我order咗香烤春雞伴薯菜， 經過烤焗嘅配菜， 香烤春雞都皮脆，雞脾位肉嫩， 配上清新檸檬同香草。小豬腳見到我食呢個餐，就同我講話隻雞好似好香好好味咁，聽完我就分左啲雞肉俾佢食，小豬腳都好欣賞呢隻香烤春雞。
⬇滑蛋旋風鰻魚飯
另外我order咗一個滑蛋旋風鰻魚飯俾小豬腳， 賣相好靚加上橙色蟹子粒粒同黑白芝麻， 小豬腳本身唔知道入面係有鰻魚飯， 佢食咗之後非常有驚喜地講我知原來滑蛋入面係一層鰻魚再一層飯。 個飯份量都唔少，小豬腳竟然可以一個人食哂，佢用行動證明佢真係幾鍾意食呢個滑蛋旋風鰻魚飯。
⬇餐牌
⬇餐廳環境
嚟呢度食嘢我哋仲有一個目的，其實係想見下不定期出現嘅鸚鵡店長 咇咇，可惜今次遇唔上， 如果你哋都有興趣可以留意佢哋嘅facebook 或IG更新。好彩最後我哋都有遇到其他客人帶嚟嘅小狗。
Pet Pet VIP
地址: 旺角西洋菜南街2T號添置商業中心1樓（兆萬對面）
營業時間：12pm – 9pm
Facebook
Email
WhatsApp
Add a comment