今個聖誕雖然未能外遊，可以成家人住酒店感受聖誕氣氛都一樣咁開心！見到 富豪九龍酒店有「薑餅人」主題嘅住宿，咁吸引一於帶埋亨亨柔柔去玩吓先得！
⬇薑餅人佈置房間
去到酒店房門外嘅走廊已經見到薑餅人牆身，一入房兩兄妹見到咁多薑餅人佈置都好開心，房內有布袋及DIY小禮物好窩心，而佢哋最興奮就莫過於見到咁多聖誕氫氣球！間房都幾闊落舒服，有兩張雙人床，有浴缸可以浸浴。
⬇3米高巨型薑餅人
除咗酒店房，lobby都充滿着薑餅人嘅蹤影，最搶眼莫過於3米高巨型薑餅人！
⬇薑餅人工作坊及特色飲品工作坊免費參加親子活動，包括薑餅人工作坊及特色飲品工作坊，小朋友可以食返自己親手整嘅Pizza同薑餅真係零舍開心！玩埋「智救薑餅人」遊戲，成功破解密碼，挑戰成功的話仲可以贏取小禮物！
⬇意大利晚餐
夜晚我哋就去咗意大利餐廳Mezzo食晚餐，呢度環境好有情調，可以望到尖東燈飾。我哋點咗二人餐及兒童餐，有頭盤、餐湯、主菜及甜品，份量都幾多，同埋都好好味，兩兄妹就最鍾意蜜糖雞翼，我就最鍾意佢哋嘅Pizza。最後來個蘋果批伴雲呢拿雪糕，蘋果批外皮真係好鬆脆，配埋內餡酸酸甜甜好好味呀！
⬇早餐semi-buffet
朝早嘅semi-buffet都係喺Mezzo，主菜可以選擇中式同西式選擇，份量都幾多，自助區選擇亦唔少，有麵包、muffin、cereal及沙律等，飲品無限添飲。呢個兩日一夜旅程真係好完滿，兩兄妹都玩到唔捨得走！下次要再嚟過先得！
Facebook
Email
WhatsApp
Add a comment