萬眾期待

香港海洋公園Water World ，921正式開幕 作為921 BB樂緊係要率先瘋狂試玩，務求放哂所有電

 

樂悠家其實都唔太熱衷 #水上活動，更莫講玩機動遊戲大型設施，但竟然可以由下午5點玩到10點收場，仲要意猶未盡，未走已經問定幾時再去

大家一定問D小朋友咁細有咩啱玩呀

五星推介 #威威水世界，名乎其實將威威搬入水世界，有各式各樣幼兒玩水大小玩意，長短水滑梯+水槍，最過癮係上面筒水一裝滿就兜頭淋，搞到大小朋友都依嘩鬼叫，笑聲不斷

低難度挑戰 #急轉雙子梯 + #旋風雙子梯

單人挑戰或兩個人同時挑戰，小朋友+父母玩得，兩個小朋友自己玩又得，1.1m就可以玩啦！連細膽到爆的悠都連續玩足3次先夠喉，坐大水泡滑落山，唔算太快有小小離心力，細膽小朋友都好啱玩

中難度挑戰 #衝浪先鋒

室內大玩衝浪體驗，身高1.2m就玩得，小姐唔夠高，下次啦！但睇人玩都覺得勁好玩，最緊要咁玩真係夠哂安全

 

高難度挑戰

signature #八彩天梯 高度限制 1.1m，小姐夠高但唔夠膽 刺激感爆燈，鐘意尋求刺激及快感+離心力一定要去挑戰下啦！

#急流旋渦 ｜ #神秘迷沖 高難度再刺激d ，可以兩至四個人玩，一家大細一齊挑戰

==================

 

仲有一家大細都啱玩的輕量級玩水設施

室內 #漂流探秘 ｜室外 #激流旅程

大人小朋友坐上大型水泡，場館內隨水飄流，時快時慢，1.1米水深，跌落水都唔怕，樂B就至啱玩

仲有我至愛的新版「浪濤灣」#天浪灣 及 #湧浪灣 人造浪區，造浪高度0.3M至1.6M高，樂著住救生衣，隨住海浪浮浮沈沈，笑到卡卡聲，超Happy

多達27個室內和室外水設施，5大主題區域，玩半日邊夠玩 921 正式開幕啦 你準備好未？

#早鳥優惠 bit.ly/3z1TD3B

溫馨提示：

前往方法

– 可以搭由公園提供嘅免費接駁巴士（往返海洋公園正門同水上樂園，上車位置喺海洋公園停車場旁嘅穿梭巴士站

– 城巴629號線（往返中環碼頭及水上樂園、途經海洋公園）

– 城巴629M號線（由水上樂園至港鐵黃竹坑站，只限回程）

– 如果想揸車入去，記住預先係網上登記訂位 bit.ly/2XalNwM

 

建議穿水陸兩用鞋 除咗 free fall 三條梯唔准着之外，所有設施都可以扣到腳後嘅涼鞋或拖鞋 － 除 free fall 外，大部份設施都可着住玩

人字拖 － 大部份滑梯型設施都要除低，穿响對手度

可穿泳衣泳褲，外面加 防曬衣等 （玩 free fall 時，因安全原因，只能穿貼身泳衣，泳褲）

記得泳衣或衣服只可穿著冇扣冇窩釘冇拉鍊嘅以保安全

隨身可帶小型防水袋，例如裝電話、credit card、八達通等，在某些滑梯及設施上可以用

口罩在水中不用配戴外，任何時間都要戴。請準備可重複使用嘅口罩，如 布口罩，日本 PITA 口罩，或運動口罩。如選擇使用一次性如手術用口罩，請準備後備口罩及防水袋

場內有 food court型式嘅餐廳同自助售賣機等，提供各式食品飲品，亦可自備。

更衣室有提供不同size locker租用，大家可按需要租用，全日收費見相片

設有家庭更衣室，內有淋浴設備及洗手間，一家人一齊用夠哂方便