露營開季了，以往多數是2日1夜，但始終都係覺得唔夠喉，所以決定來一個3日2夜嘅 #焫焫焫焫著 之露！

呢次露營，我地半年前就全數full payment book，當時幾驚執笠，但無計啦，官地仍然正在放牧ing。@carpuslifestyle

虎地山莊位於上水虎地坳，其實本身嘅賣點係，車可以擺到你上營邊，即係有機會擺喺你嘅營隔離。當然仲有其他泊位選擇。今日我哋三家人，其中一個有車，其餘嘅都係的士到。

 

虎地坳道入口車行大約500米左右見到左邊有個凹位，左轉一直車落山就係山莊嘅營地。

第一個感覺係，草地好靚，又唔可以話係勁靚，但講真，真係好綿好密，好舒服嘅感覺。

當我哋分配左營地之後，就開始紮營，過程中其實都好順利，D草塊地好易落釘。

 

不過第一日較為麻煩，就係我哋喺天幕嘅位置，因為要拉線嘅關係會令到出入嘅車輛受阻，其實啲車都唔應該成日出入，但係始於因為有啲人係兩日一晚，或漏野想補給，所以我地就需要中途折幕。同埋我自己覺得築營嘅面積分佈唔算平均，或者可以係再好少少…

 

好似我見身邊有20幾個年青人(無小朋友)，佢地好似有4個營位，但double park 起營8個營（NH4）；而對面兩家8口，就大到可以泊兩架車平排再加兩個大嘅snowpeak （長身有廳有房有前置嗰款）。因為我冇去解過佢哋到底買位嘅時候係邊個套餐，不過因為第二晚嘅時候，原本年青人嘅位置換咗另外一班營友，望上去個位又好濶。所以諗返又會覺得可能係第一晚over booking。

 

呢個營地嘅職員全部都好親切，而且都會好主動幫助所有營養去解決佢哋嘅問題。最欣賞就係堯哥哥 + 束頭髮姐姐，由我地入營checkin到中間嘅各樣問題，都幫手解決。

 

天氣咁熱，第一日個夜晚，其實瞓得唔係太好，第一係無咩風，所以有點焗，我地就打開門訓，第二晚反而有涼風，沖完涼都有點凍。

所以呢，第二朝早我哋做咗一個決定，租咗一個水池玩 “酒池肉林”，小朋友可以玩水，咁大人呢？why not both？ 呢個水池爽到爆炸，仲可以畀你租到一日一夜，超爽！

話說第二日有一家人嘅小朋友開生日party，我個女就被邀請過去玩，仲有電影睇，超開心！

講返冬仔，因為己經10個月大，我又唔想孭係身上全日，上次帶咗bb床，今次因為衫氣熱床，所以我就帶學行車！！學行車簡直係恩物！ 我見到冬仔喺草地上奔馳，四周圍去搵其他營友，有時赤腳喺草地行，我見到佢自由身影我都覺得爽。

 

我最欣賞就係有冷熱水沖涼，天氣熱嘅時間，隨時入去淋個涼，爽！

今次因為瞳爸最尾嗰門有事要早走，所以我孭住冬仔拆營收拾，幸好有一班好朋友幫忙，所以呢我真好感動。

講到尾，呢個營地，真心推介比有車嘅家庭。不過，唔好諗住有車就拿晒成個屋企去，咁就無咗camping嘅樂趣。

 

地點：Tiger Farm by Carpus 虎地山莊

(5滿分）

交通：有車無車都一樣

價錢：

營地被分配嘅面積：