媽媽需要me time，但同時我地都好享受we time！今日就約埋我既好友同仔仔既好友，一齊去玩去high tea，兩個仔仔又開心，兩個媽媽更開心。

⬇「幸福之約」Tea set

全個Tea set總共包括4款鹹點同5款甜點。
– Rainbow macarons 彩虹馬卡龍 & Tiffany Blue and Baby Pink macarons 馬卡龍兩款唔同造型嘅馬卡龍，都保持外脆內軟口感，夾心唔會過甜，不過兩款都比兩位小朋友秒殺左。
–Mini doughnuts 迷你甜甜圈又係另一款小朋友至愛甜品，造型色彩繽紛，外表相當吸引。

⬇Angel’s mist 「天使之霧」Affogato

StartingOver Espresso 合作創造，超級igable既甜品，食之前加入白蘭地，再點火令棉花糖溶化，再加入Expresso，入邊仲有一片爆炸糖朱古力，令味度同口感更加有厚次。

 

⬇Tiffany Blue Scone with Rose Jam 烤餅配玫瑰果醬

切合返Tiffany Blue嘅主題顏色，呢個Scone都用左藍色，好少女心，加埋玫瑰果醬一齊食，酸酸甜甜好開胃。

 

⬇珍寶北海道帶子薯蓉

呢個係媽媽最喜歡嘅鹹點，北海道帶子超級大粒，煮到半山熟嘅狀態，非常鮮味，加上烤過嘅外表，就更加香。

 

⬇Salami cheese pie 莎樂美腸奶酪餡餅

用Salami切成一朵玫瑰花嘅形狀，再放上芝士tart上面，一啖食落去，全個口腔充滿着鹹香味道，真係想再encore。

⬇香薰治療師親自選配專屬精油卡

食之前仲會玩個簡單抽卡遊戲，揀一款當日配合既香薰精油，用香味令會我哋可以好relax，咁享受呢一個下午茶。

呢個色香味俱全嘅tea set，好食又抵食，呢到環境又舒服。