今日我哋就去咗全港首個空中滑輪運動場率先試玩，完美切合多款滑輪運動需要。

位於愛定商場嘅空中滑輪運動場分為滾軸溜冰場(底層)滑板場(中層)單車及平衡車場(高層)，因為係喺天台露天位置，可以見到靚靚嘅天空，特別爽心情特別好。

小風神除咗直排滾軸溜冰，亦都玩左板同埋平衡車，之前佢已經試過玩平衡車，滑板就係第一次玩，佢一知道有得玩就好興奮話要好似Number Blocks 14咁玩skateboard，所以叫佢踩住塊滑板喺打卡位影下相，扮吓嘢。

現場見到高手雲集，玩唔同嘅花式，呢個場地有不同嘅slope, 真係好啱佢哋練習。

大家只需於民坊屯門旗下商場(愛定商場、兆禧商場及山景商場)電子消費滿指定金額，持有效機印收據即可參與以下活動：

電子消費滿$50，可免費參與攤位遊戲。

電子消費滿$100，可免費參加滑輪體驗工作坊(滑板、平衡車、滾軸溜冰)

大家都快啲一齊黎「踩」場啦!