原本一早諗好左既節目因為天氣關係取消左，於是改左室內節目，去左黃金海岸洒店，佢地個室內鯊魚冒險島終於都開返了，因為無得打電話book，要親身去book，但12點場已滿，只好等下一場。

等待期間我地去左洒店食午餐，突然見天氣好轉又出太陽，臨臨食完出左沙灘行左一個圈，可能落完雨關係，天氣都不算太熱！

 

之後回去playhouse，第一次同雨豬仔黎，樣樣都好想玩，場地都算大，全部以鯊魚海洋為主題，好有消暑感覺，因為我地不是以住客身份所以無得去玩小手工工作坊。場地都有職員看守安全，都算貼心，不過時間只有45分鐘有啲美中不足呢！

 

趁住仲有陽光我地玩埋戶外遊樂場，之前疫情關係只係玩到小火車，今次可以玩晒所有設施滿足晒，佢地仲有個zipline嫁不過要6歲先可以玩

 

如果大家呢兩日仲未諗到去邊度玩，不妨考慮一下去呢度玩啦！