原先媽媽諗住暑假帶豬仔包去獅子會自然教育中心參觀，但因為見到只剩「火山探知館」可以換領「地質公園達人」奬章，所以就急急腳去蓋最後一個印章。
今次好好彩，約到豬仔包舅父舅母一齊去，可以揸車直達，嗰度仲有免費泊車，落車行3-5分鐘就到中心，非常方便。
留意停車場只開放到16:30， 我哋嘅目的地係「地質公園遊客中心」，因為當日太陽好猛烈，所以一入到中心有冷氣覺得份外涼快。
⬇地質公園遊客中心
展館展出好多關於岩石、岩漿、地質模型和西貢原居民傳統資料等。
首先吸引豬仔包嘅係地球內部結構，仲有世界最古老嘅岩石，行入少少，就比「鬼手岩」張圖嘅圖同展品吸引住，因為之前親眼見過，估唔到豬仔包仲記得！
⬇「岩漿歷險之旅」互動式展覽
不過好快豬仔包就直接跑咗去睇「岩漿歷險之旅」，由於當時人流不多，豬仔包可以獨佔成個展板，任按任玩，揾到火山位置燈仲好興奮添！
⬇化石展品
響身後有些化石展品，豬仔包一眼就認出暴龍頭骨，估唔到又見到恐龍。
⬇香港地質公園
⬇農館
跟著我哋就過去隔離嘅「農館」參觀，估唔到裡面有好多互動展品和遊戲，其中最吸引豬仔包就係可以影相化身為農夫，係咁扮鋤地，笑死媽媽！
⬇以「食物及農業教育」為主題
⬇水耕栽培系統
⬇互動遊戲
⬇吉祥物「農家兄妹」「米米」＋「豆豆」
場內還有吉祥物「農家兄妹」「米米」和「豆豆」可以打卡，這個展區讓小朋友寓學習於遊戲，激發小朋友對農業科學的興趣，媽媽覺得非常適合一家大小參觀。
⬇獅子會自然教育中心戶外環境
除咗「農館」和「地質公園遊客中心外，其實獅子會自然教育中心還有多個戶外特色展區、展覽館和茶座，但因為趕著去換奬章，所以只好下次再來。離開嘅時候，見到有人影家庭照、婚紗相和情侶照，莫非係熱門拍照地，下次一次過參觀、拍照加埋嘆茶，放足一日電先得！
獅子會自然教育中心
地址：新界西貢蕉坑
開放時間：逢星期一、三至日及公眾假期︰上午9:30 至 下午4:30
逢星期二(公眾假期除外)及農曆年初一及初二休館
費用：全免及無需預約
查詢：2792 2234
Facebook
Email
WhatsApp
Add a comment