相信大家小朋友都開晒學，係咪已經收拾晒心情啦～ 星期一至五梗係要專心讀書嘅，咁weekend都可以放鬆吓去下staycation嘅

位於尖沙咀嘅帝樂文娜公館推出左「Be a Dreamer 小小夢想家 – 秋季限定」住宿假期，活動超級豐富，可以比小朋友體驗各種職業、有得參加酒店同「Little Scientist 小小科學超人」合辦嘅科學探索STEM工作坊、有得參加小手工工作坊同埋喺用德國品牌HAPE打造嘅兒童遊樂園玩等等！

透過「小小夢想家」嘅活動，小朋友體驗咗做魔術師、調酒師、廚師等等嘅職業，我個活動都仲着埋工作服，好搞笑！

除咗豐富嘅活動，酒店更為小朋友提供專屬嘅日用品，仲會喺入住時送上「探索護照」，只要小朋友係酒店內完成「超現實遊蹤」任務，就可以換取精美禮品

仲有仲有，酒店同兒童教育團體「綠腳丫親子讀書會」首度推出「童書入酒店」項目，住客可以借書返酒店房睇，等大家可以同小朋友隨時享受親子閱讀嘅樂趣。

講完活動，都想介紹吓酒店間餐廳！酒店餐廳FINDS提供北歐風格嘅食物，晚市套餐食物豐富，好食之餘價錢亦唔會好貴。有圖有真相，大家睇相啦

除咗做小小「夢想家」，大家仲可以選擇入住酒店兩間別具特色嘅主題套房，分別係以北歐冰雪世界為題的「NORDIC」同埋充滿中東情懷的「SAFARI」，每間房都有提供特色服裝俾大小朋友影相打卡，為你嘅staycation 留下精彩嘅回憶。上次呢兩間套房有幾正就睇相啦

 

staycation 資料

「Be a Dreamer小小夢想家」專享禮遇

• 長達30小時住宿體驗 (可提早於中午12時登記入住至翌日下午6時退房，視乎供應情況作確認）

• 免費升級至尊尚客房供最多兩位成人及兩位小童入住

• 每房每晚贈送港幣500元餐飲消費額於酒店餐廳FINDS及酒吧Dada Bar + Lounge使用

• 免費兩位成人及兩位小童於酒店餐廳FINDS享用早餐

• 兒童迎賓禮物

• 免費使用「HAPE遊歷家兒童遊樂園」（開放時間: 上午10時至下午5時45分)

• 免費參加各項工作坊及親子活動

• 免費借閱精選繪本享受親子共讀時間

• 客房內迷你酒吧及房內用餐菜單半價優惠（餐酒除外）*

• 免費使用健身室

• 入住日期為逢星期五至一

各項工作坊及親子活動設人數限制，需提早預約，額滿即止。

*餐飲折扣不適用於餐飲消費額

 

預訂連結：https://reservations.travelclick.com/71039…

如有查詢或預訂，請電郵至 [email protected]或致電(852) 3763 8880 與訂房部聯絡。