而家好多商場都有大型兒童戶外遊樂場，可以比家長一邊shopping，一邊帶小朋友放電。媽媽同豬仔包去開天水圍，知道+WOO嘉湖商場新開咗個戶外兒童樂園，當然要去朝聖一下。

一落咗銀座輕鐵站，入商場上2樓就到，非常方便。我哋去嘅時候係平日嘅黃昏時段，一啲都唔熱，非常舒服，亦唔算好多人。

 

場內有多條滑梯，不過全部都係BB級，連睇落比較長嘅滑梯都係Sir唔到，要自己半sir半行先出到嚟，對於豬仔包嚟講就刺激感欠逢，但就好鍾意停咗響條滑梯裡面嘅感覺。

攀爬設施

綠色嘅滑梯係直升機造型，豬仔包係咁話要控制直升機上落，當自己係機師一樣。

另一邊就有啲新穎嘅遊樂場裝置，例如多人韆鞦、4人離地氹氹轉、超快自轉椅、一格格繩網陣等，完全飛快咁快哂啲電！

 

媽媽覺得最特別係一個筒型360度旋轉裝置，豬仔包瞓上去，媽媽響外面轉，只要轉少少都感覺就嚟倒轉，豬仔包玩到係咁叫，非常刺激。不過玩完先睇到要夠120cm先玩得，媽媽估計高啲可以自己轉。

⬇粉色主題

最後我哋玩到閂門先走，臨走發現出口位置有育嬰室，非常乾淨，仲有3間房，換片餵奶非常方便。

地點： +WOO嘉湖2期2樓(海馬/軒琴居旁)

開放時間：

星期一至五15:00 – 18:00；

星期六、日及公眾假期

12:00 – 15:00（第一時段）

16:00 – 19:00（第二時段）

費用：免費