好多朋友仔都問我，天氣仲好熱而無D短途嘅山海路線候介紹。星期日，突然間係我腦海 “呵”一聲，就去呢度打卡。

 

西環鍾聲泳棚

呢個棚建於六七十年代，因為當時公眾泳池未普及，所以居民就在這裡搭建竹棚，西環泳棚成為了當時市民游水的地方，亦係目前香港唯一的泳棚。而經過幾十年後，宜家的西環泳棚變成文青打卡熱門地點，都係 ig 大熱地方。歷史悠久嘅西環泳棚仲係保留住原本的面貌，撞正假期，日落時份會大排長龍影相 + 欣賞日落。

去呢個地方嘅時候，要記得睇下潮漲定潮退，因為呢如果潮漲的話，海水同埋大浪有機會輕輕掩蓋橋面。我哋當日剛剛就係潮漲開始，再加上大浪，有幾個畫面都氣勢磅礡！

沿住呢個鐘聲泳棚嘅橋頭行到最出，再落幾級樓梯，都仲未濕腳，如果想游水就可以呢個時候跳落海，感覺就似係海面步行，打卡！

到底點樣去？

A// 當日，我地係中環德輔道中坐巴士5X （因為54是小巴坐位有限），到堅尼地城巴士站落車，步行15分鐘，過程中有上山落山，行經廢料轉運站，而斜路梯級為主。

B//地鐵+步行

搭乘港鐵港島線至堅尼地城站，於C出口沿科士街、加多近街、域多利道，行經廢料轉運站後直行，可達西環鐘聲泳棚入口，步行約需15～20分鐘。

C//地鐵+小巴

搭乘港鐵港島線至堅尼地城站，於A出口小巴士總站，搭54、58、59號綠Van，至「摩星嶺明愛賽馬會宿舍」站下車，落車後向反方向行小小即可達西環鐘聲泳棚入口。

D// 的士

地點係西環域多利道404號附近

 

10爆

打卡：

交通：

放電：