你有無煩惱？小豬腳今日識左一班小動物朋友，原來佢地都有煩惱日常，大家一齊去了解下佢地啦， #龍虎山環境教育中心 「#動物的煩惱日常2021」展覽。

由2021年9月18日開始～帶著邊玩邊學既心黎了解一下動物日常～ 由龍虎山環境教育中心主辦、「嗚鴉自然教室」客席策展的「動物的煩惱日常2021」展覽，召集一眾好似小豬腳咁喜愛動物、對大自然充滿好奇心的小朋友、學生和家長，黎到呢個一級歷史建築所在既龍虎山環境教育中心，解構小動物伙伴的小知識和習性，讓大家以「第一人稱」的角度，體驗各種小小動物的生活日常。

十大體驗小遊戲

小朋友的煩惱日常，小朋友可以投下票選，表達自己生活可能有既小煩惱，從而於展覽中找尋同佢地有同樣煩惱既的動物朋友，睇佢地日常點生活，仲會得到小貼紙，幫手認小動物，gogogo。

人類靠打扮，動物靠假扮！在牆上以及地台上的畫中尋找隱藏其的小動物。真係好考眼力同觀察力架！小豬腳同我一齊係咁搵，搵到好開心，我諗佢一定係覺得有成功感啦～

雀鳥的「餐具」︰用特製夾仔模仿不同長度鳥喙，將樽裏面的「食物」夾出來，體驗鳥喙的進食既煩惱。小豬腳仲話真係唔容易呀～

不旅行會死！︰重現雀鳥遷徙的board game遊戲，讓大家了解雀鳥遷徙路徑，以及途中遇到的麻煩事。

羽毛？鼻子？︰讓小朋友體驗昆蟲觸角的功用，站在指定位置用「觸角」將天花板吊著的「氣味」乒乓波黏上。小豬腳唔夠高要跳住黎玩

甚麼是紅色？！

原來蜜蜂睇唔到紅色架，但可以睇到的紫外光的現象，我地以UV電筒尋找花朵為蜜蜂「鋪設」的「採蜜引路徑」。

體溫測量員︰形象化地向小朋友展示蛇類透過獨特的熱能感測器官去探測外界的溫度，再傳遞到腦部內的視覺系統，建立起立體影像，辨別四週環境及動態。

全民撞衫︰先觀察蝴蝶標本，再辨認幾種樣貌相似的蝴蝶，扮小鳥去嘗試覓食，搵出無毒的蝴蝶。又係挑戰小豬腳既觀察力啦～by the way 小蝴蝶真係好靚

大樹上的忙碌生活

係一款考小朋友思考既小遊戲，小朋友係牆上砌出傳送乒乓波的隧道路線，小朋友了解螞蟻在蟻巢一天的忙碌生活。

是但彈 隨便跳 （戶外）︰模擬草蜢為逃避捕獵者，盲目降落的煩惱情景。

 

黎到龍虎山環境教育中心，睇埋龍虎山郊野公園內既景點啦，香港最小的郊野公園，但錄得過百種雀鳥與蝴蝶，龍虎山環境教育中心仲可以拎到新推出的「龍虎山漫遊」實體版地圖，可以一次過了解埋附近有咩景點架～

網上版「龍虎山漫遊」地圖

龍虎山環境教育中心「動物的煩惱日常2021」展覽

展覽日期：

2021月9月18日至2022年2月13日。

逢星期一、聖誕節、 新年、農曆新年公眾假期休息。

開放時間：

星期二、四至日上午10時30分至下午5時30分

星期三 上午10點30分至下午2時30分

地點：香港半山旭龢道50號（近大學道入口）龍虎山環境教育中心

交通

巴士：13號 由 中環大會堂 至 半山旭龢道總站 （5分鐘步行距離）

綠色小巴：3號 由 國際金融中心 至 半山旭龢道 （5分鐘步行距離）

港鐵：香港大學站A2出口 (15分鐘步行距離)

 

關於龍虎山郊野公園及龍虎山環境教育中心

超過百種雀鳥及蝴蝶的棲息地，更有多個歷史遺跡如「松林砲台」。龍虎山環境教育中心位於龍虎山山腰，免費開放予公眾參觀，是遊龍虎山不能錯過的地標：一級歷史建築英式小白屋、生態展覽及各樣特色活動。