海洋公園真係好適合小朋友親親動物嘅地方！Ter Ter 幼稚園的時候，我哋已經開始買全年票，星期天一有機會就去海洋公園玩。

我哋亦好支持海洋公園「與動物親上加親計劃」，Ter Ter 特別喜歡海洋動物，所以參加了探望海豚。

到達之後，當日只有我哋和另外一組家庭，我哋分成兩組，所有隨身物品都要放在保險儲物櫃內，然後消毒雙手活動就開始啦。首先護理員教我地簡單的指令，例如對海豚揮揮手，小海豚就會用佢的魚尾同擺尾。過程中，護理員會介紹海豚的有趣知識，亦可跟海豚近距離見面，最後我們的在池邊親手摸摸牠們﹗

 

海洋公園有好多「與動物親上加親」活動，由於參加者必須年滿八歲，所以Ter Ter 還未能參加，例如他最有興趣的「企鵝全接觸」、「豚聚一刻 」，所以大家報名參加活動之前，記謹要睇清楚細節同埋參加者的要求啊。

感想：

好開心海洋公園提供咁多具有教育意義嘅活動，我十分推介給幼、小學生嘅朋友仔。

因為活動分了兩組。所以參加期間可以專心聽護理員講解，小朋友有好多時間發問問題，了解更多！

活動進行於半小時內完成，如果可以再長一點就更好。另外，由於活動於海洋哺乳動物繁殖及研究中心內進行，而該地點是在海洋公園入口的另一段，及落車後也要行走一段時間才到達目的地，我們大概用了45分鐘才到達，所以大家必須預留時間出發到目的地

參加者於活動過程中不准拍照、錄影及使用手提電話。所以我哋決定安排隨團攝影師拍照服務，但相片需額外付費購買，價錢也不平，最後也為咗紀念我買了所有soft copy。

由於我哋持有海洋公園智紛全年入場證，所以活動的費用及購買相片也有折扣優惠，大概是八五折吧。這是比較化算的

感想：

海豚大概係世界上最聰明嘅海洋動物，我可以用指令啦同埋烏互動，好得意呀。

原來海豚唔會飲水㗎。佢哋吸吸水份只會靠食其他魚類。

海豚身體唔係我想像中滑滑的，而係有少少似橡皮，仲有啲擦膠碎在身體上。

希望遲啲再可以探訪埋企鵝啦。

想預約去海洋公園「與動物親上加親」活動，要依照網頁上的方法進行預約。

 

「與動物親上加親：約會海豚」

活動地點：海洋哺乳動物繁殖及研究中心

https://www.oceanpark.com.hk/…/get-closer-to-the-animals