Let’s Get Fluffy！今個聖誕 Langham Place 朗豪坊呈獻「迪士尼與彼思 — Fluffy Festival」，8大人氣動畫角色化身QQ毛毛球，暖住同我哋一齊迎接聖誕。媽媽同豬仔包去到朗豪坊4樓通天廣場，遠遠已經比堆七彩繽紛兼非常夢幻嘅毛毛球吸引住。8大迪士尼與彼思人氣動畫角色包括：
《怪獸公司》～毛毛、阿拱
《玩轉腦朋友》乒乓
《熊抱青春記》巨型小熊貓美美
《反斗奇兵》～勞蘇、阿得、賓尼、牛油仔
⬇6米高Fluffy Festival毛毛球聖誕樹
豬仔包第一時間就衝去同全港首個6米高嘅Fluffy Festival毛毛球聖誕樹打卡。全部毛毛球都超級可愛，令人忍唔住就想攬吓佢哋。豬仔包就逐個逐個角色慢慢揾，估唔到好快就比佢揾齊8個，仲話毛毛同勞蘇最多。
⬇Bling Bling跳躍大道
響聖誕樹後面，就係Bling Bling跳躍大道，大大小小嘅毛毛球好似響會場彈來彈去咁，豬仔包都跟住一齊跑跑跳跳，彈埋一份。
⬇Chill夢幻打卡牆
我哋去埋最後一個打卡位Chill夢幻打卡牆，毛毛、阿得與賓尼化身QQ毛毛球，大大小小嘅毛毛球迫爆發光燈箱，豬仔包話佢要幫手擋住，驚佢哋跌出嚟！
⬇Chill Fluffy 期間限定店
除咗打卡，場內仲開設Chill Fluffy 期間限定店，首賣近300款迪士尼Fluffy系列新產品，包括：Fluffy Festival 毛毛球頸巾、毛毛球發光頭箍、毛絨室內拖鞋及毛絨斜挎袋等，分兩個階段發售，岩哂買嚟比豬仔包做聖誕禮物同聖誕Party交換禮物，收到肯定好開心。
⬇個人化手機殼
買禮物又點少得買埋比自己，媽媽見到期間限定店同ONLLY CASE合作，推出11款Fluffy Festival主題手機殼，全部都好靚，係時候比個藉口自己換新手機殼啦！現場訂購只需選定款式，㨂好型號，加入個人專屬簽名，再入埋送貨資料，只需幾分鐘就完成個人化手機殼訂購手續，非常方便。豬仔包幫媽媽揀咗個「會場限定版」，真知媽媽心意，好期待製成品寄到屋企啊。
如果係LP CLUB會員，更可以用指定積分於換領Fluffy Festival 獨家限定《怪獸公司》毛毛同《熊抱青春記》小熊貓發光毛毛球頭箍，戴住嚟打卡特別搶眼！大家去開旺角，不妨去打個卡、買禮物兼製作個人化手機殼啦！
《迪士尼與彼思 — Fluffy Festival》
日期：2022年11月16日 至 2023年1月1日
地點：旺角亞皆老街8號朗豪坊4樓通天廣場
開放時間：11:00 至 22:00
Facebook
Email
WhatsApp
Add a comment