今個月係Donald Duck嘅生日月，山下菓子都推出咗唐老鴨期間限定店，仲有超過30款以Donald Duck做主題嘅小食、主食、飲品同甜品。

身為忠粉，我今晚就叫埋唯爸陪我去！成場都係鴨鴨鴨，牆上有鴨，枱上都有，周圍都係打卡位 ，佈置用心，食物都唔錯！

我哋叫咗唐揚炸雞咖喱蛋包飯，炸雞好香脆，咖喱係微辣嘅日式咖喱，啱晒食唔到辣嘅我。蛋包飯仲附送Donald Duck造型曲奇！

和牛漢堡配薯條，漢堡包有煎過，夠用心，和牛都幾厚身，一個人食好夠飽。

本身想叫埋Donald Duck造型芒果慕絲蛋糕，好可惜佢未有，不過抹茶奶茶都好滿足，甜度適中，抹茶味都幾濃，最開心嘅係，叫熱飲會送埋個Donald Duck陶瓷杯同杯墊㗎！

單一發票消費滿$200，就會送一個Donald Duck金屬書籤（滿$400兩個，如此類推），款係隨機嘅，但個個都咁靚就冇所謂啦！

食一餐就有咁多嘢送，真係好抵又好開心！食完記住去睇埋期間限定精品呀！

日期：即日 至 2023年8月31日

旺角分店地址：旺角彌敦道 700 號 T.O.P 商場 3 樓 315 號舖

荃灣分店地址：荃灣大河道 98 號如心廣場二期 210 號舖

營業時間：12:15-21:30