媽媽同豬仔包今日路過K11 Art Mall 遠遠就比紅色嘅佈置所吸引，原來係Coca-Cola期間限定嘅「可⼝可樂®始樽回味」體驗活動。

場內以香港⼈最愛嘅打邊爐為主題，有多個港式打卡位，兩張好有大排檔風味嘅打邊爐枱就最吸引豬仔包，不斷話比媽媽聽枱上有咩配料。

除咗打卡位之外，仲有2個互動遊戲，「認識 Perfect Serve始樽完美」及 「玻璃樽裝可⼝可樂®美食配對」，即場玩完遊戲仲可以得到 「可⼝可樂™玻璃杯」同 「指定餐廳餐飲禮券」

當時問職員，遊戲是15:00 同 17:00開始，唔知係咪日日一樣呢。

即場登記埋做「Coke+獎賞計劃」會員，仲送太古可⼝可樂e-Shop $50優惠券添。

大家路過附近，不妨打個卡，玩吓遊戲贏奬品。

 

順帶一提：

活動是推廣其全新的輕量及環保版樽裝可樂，兩款樽身皆採用透明樽身設計，方便回收到沙田裝瓶廠內清洗、消毒，再次入樽，換上招紙後運送到市場，非常符合環保效益。

除此以外，為貫徹環保宗旨，樽身使用 60% 再生玻璃物料製成，重量較舊樽平均輕約三分之一，樽身變輕後容量卻有增無減，由 192 毫升增加至 250 毫升，每箱將由24支變為12支，更便於運送和儲存。

媽媽見到一箱箱玻璃飲品，細細個「按樽」嘅回憶都番哂嚟，估唔到除咗按樽回收重用，連玻璃樽物料都咁環保。

地點：尖沙咀K11 Art Mall地下中庭

⽇期：2022年9⽉14⽇ ⾄ 9⽉27⽇

時間：12:00 – 21:00（星期一至五) ； 11:00 – 21:00（星期六及日)