秋意漸濃，劍橋爸黎緊會介紹一些位於商場上蓋或附近的休憩用地，好讓各位父母們在逛街的時候也可以安排小朋友喺附近「放電」，咁就唔使驚當大家行到一半既時候佢地發脾氣，鬧著「我要返屋企」的尷尬情況啦！

首先出場的是位於九龍站Elements 「圓方」上蓋的露天遊樂場。圓方由幾個豪宅屋苑君臨天下、漾日居、擎天半島及凱旋門包圍，就咁睇以為這個公園是屬於豪宅內的設施。但唔講唔知，其實這個設施是由港鐵管理的公眾休憩用地！

這個公園設施非常新穎而且多元化，按著不同年齡劃分為多個區域，小朋友可因應自己能力去接受挑戰！由於位處豪宅區，劍橋爸覺得這裏的設施保養很好，而且遊人不多，都係以附近街坊為主，小朋友們亦非常守規矩，唔會有爭先恐後或你推我撞的情況出現，實在值得到此一遊！

 

九龍站上蓋公眾休憩用地

地址：Elements圓方PR層平台 （九龍站C1出口）

開放時間：每日上午6時至晚上10時