天氣涼爽，正係戶外活動嘅好時節！我哋終於去咗兩手fing fing的Glamping

香港青年旅舍協會YHA嘅圓帳營(Bell Tent)非常之唔錯，枕頭被鋪一應俱全，仲有風扇、蚊香、露營燈等等，場地又可以燒烤或者喺飯堂煮嘢食，只需要自備食物同埋個人物品就可以輕輕鬆鬆去露營！！！

我哋今次嘅行程好簡單，四點幾check in咗營地之後，就喺營地嗰度玩，可以借球類活動同埋有啲棋，如果進取啲可以即刻去海下玩水～

我哋喺營地玩一陣、跑跑跳跳之後，就開始燒烤；燒完之後就出去海下路行下，沿途好黑，完全冇光害，抬頭望到好多好多星星

夜行之後就返去營地梳洗，淋浴嘅地方雖然比較舊，但勝在熱水充足，沖個熱水涼舒舒服服～

第二朝嘅早餐我哋喺廚房煮，基本嘅煮食用具呢度都有！用完洗乾淨就OK～

之後就行去海下嘅沙灘玩咗一陣 (小朋友腳程大約25分鐘）， 夏天嘅時候呢度好多人玩獨木舟，可能而家天氣開始涼，玩獨木舟、浮潛嘅人潮就唔見咗啦～

成個建築設計都好靚、好文青。

入面有展覽廳講解海下嘅生態資料，有VR小遊戲，亦有好多推廣環保嘅資訊，好值得大人小朋友入嚟參觀。

 

遠離塵囂城市嘅旅程眨吓眼就完咗，又係時候投入日常生活。Work hard Play even harder! 考完試再出走、再玩過