「北歐精靈童話村」住宿計劃主題房間同樣滿佈聖誕裝飾超級有氣氛。櫃門、窗、鏡面、牆身都貼咗好多小精靈，最開心就梗係有兩張雙人床啦，真係又大又舒服！我哋同小朋友一齊都瞓到唔願起身。

除咗可以喺酒店瘋狂打卡之外，仲有酒店同AiR (Adventure in Reality) 特別合作設計嘅節日限定元宇宙遊戲程式「調皮精靈躲貓貓」玩，遊戲玩法非常簡單，喺唔同嘅地方尋找小精靈，然後送小精靈最喜歡既「士的糖」俾佢地乖乖回到崗位。每當完成關卡即可獲得精靈卡，收集足夠數量精靈回憶卡便可贏得豐富實體禮物，兌換現實世界嘅實體獎品，包括房價優惠、房間升級、免費住宿及餐飲優惠等。三兄妹由房間開始捉精靈再去到酒店大堂。捉到咁上下，我哋就去御花園咖啡室食自助晚餐。

「北歐精靈童話村」龍蝦海鮮薈自助晚餐 除咗有龍蝦！仲有其他海鮮入饌嘅精選菜色，最驚喜就係有埋北歐特色美食。瑞典傳統蒔蘿醃三文魚、芬蘭三文魚忌廉濃湯、龍蝦西班牙海鮮飯及丹麥米布丁等。當然當然唔少得聖誕必食嘅聖誕火雞。

 

海鮮區有10款海鮮有龍蝦、小龍蝦、長腳蟹、原隻蟹等等仲有其他以海鮮入饌嘅精選菜色，龍蝦三文魚籽沙律、黑松露蒸蛋等

 

壽司區除咗有三文魚、八爪魚、吞拿魚等等刺身之外！仲有多款卷壽司，我哋最鍾意就係食香芒壽司卷。

  

甜品區亦都相當精彩，酒店糕餅總廚製作多款精緻甜品，麵包布甸、雞蛋仔、蜜糖芝士蛋糕、Tiramisu、朱古力幕絲蛋糕仲有我最鍾意食嘅豆腐花同埋多款唔同口味嘅意大利雪糕。

*12月15日前係官網直接預訂「北歐精靈童話村」住宿計劃可享9折優惠，係付款頁面”輸入”折扣代碼”「ELF5」！可尊享額外95折優惠！