地點方便，就係v city 對面，而且房價十分優惠同有唔同主題。而酒店係一間火車主題酒店，每個角落都有火車元素。

今次訂了隨機房，好似抽公仔咁，唔去到check in都唔知咩主題房，哈哈。最後比了日本主題，而且係泳池果層，非常好。我地仲去了其他主題樓層影，唔同主題每層都有唔同裝飾。

酒店仲有泳池，要先預約，但因為雷暴警告後，所以冇人，我地包場，雖然泳池細，但都有淺水區比小朋友。但要注意，池水超凍，落水需要好大勇氣，因為泳池四周被酒店阻擋，冇太陽照到。

而晚上就去左酒店餐廳，同樣都係火車主題，一早book了坐火車卡箱，平日只有半自助餐，包了主菜，出面自助餐有少量海鮮、有素食、沙律、雪糕、甜品。

第二日去了屯門公園，共融遊樂場已經開番喇，有水玩，但中午太熱了。可以去爬蟲館睇動物兼涼冷氣。有好大隻龜龜。

 

酒店評價：很好的親子酒店，有泳池亦有主題，可惜房有點細。另外，大堂有售賣機出售杯面野飲零食。地點亦十分方便。