聖誕好去處 1：昂坪360 X Venchi朱古力聖誕嘉年華

由11月18日至明年1月2日，昂坪360 X Venchi朱古力舉辦一個充滿意式風情嘅甜蜜聖誕嘉年華。昂坪市集除咗有打卡朱古力聖誕裝置之外，更加特設咗4項充滿歡樂氣氛嘅遊戲，仲有機會贏取豐富獎品添！
另外於12月24日至26日期間，聖誕老人會遊走昂坪市集每個角落，沿途派發小禮物俾大家！

📍昂坪360 X Venchi朱古力聖誕嘉年華
日期：即日起 至 2022年1月2日
詳文可瀏覽：https://findmyplay.com/281121-02/

聖誕好去處 2：櫻桃小丸子 Happy Together 冬日舞會

「櫻桃小丸子 Happy Together 冬日舞會」已經登陸係銅鑼灣皇室堡，設置4大聖誕打卡位，包括有大型聖誕舞會，小丸子、小玉、花輪同學以華麗造型同大家見面；杉山同大野共進聖誕大餐；1.5米高古靈精怪禮物盒印有小丸子唔同表情模樣等。 各位小丸子粉絲朋友記得唔好錯過啦！

📍皇室堡 x 櫻桃小丸子 Happy Together 冬日舞會 
日期：即日起 至 2022年1月9日
地點：皇室堡地下中庭
詳文可瀏覽：https://findmyplay.com/281121-08/

聖誕好去處 3：Kakao Friends 聖誕夢幻樂園

全港首個 Kakao Friends聖誕主題互動遊戲天地將於即日起至2022年1月2日期間登陸於鑽石山荷里活廣場。Tube、Con、Muzi同Neo & Frodo等人氣角色以聖誕造型出現係舞台上嘅旋轉木馬俾大家打卡。另外場內設有2大互動遊戲玩樂區，包括2米高嘅滑梯「Ryan飛越海盜船」同5米大彈跳床「Apeach彈彈咖啡杯」。

📍荷里活廣場「Kakao Friends 聖誕夢幻樂園」
日期： 即日起 至 2022年1月2日
地點：鑽石山荷里活廣場一樓明星廣場
開放時間： 上午10時 至 晚上10時
詳文可瀏覽：https://findmyplay.com/041121-01/

聖誕好去處 4：冰雪夢幻王國 Snowy Wonderland

今個聖誕節，非常深受小朋友歡迎嘅迪士尼動畫《魔雪奇緣》主題「 冰雪夢幻王國 Snowy Wonderland 」將於荃新天地幻化成冰雪小鎮。商場中庭設4米高「小白許願樹」，過百個可愛雪人小白掛飾配搭茫茫白雪森林，360度沉浸式「冰雪夢幻奇景」令你置身無邊際空間體驗獨特嘅拍照效果。大家快啲帶埋小朋友同安娜公主影相啦📸！

📍冰雪夢幻王國 Snowy Wonderland
日期：即日起 至 2022年1月2日
地點：荃灣荃新天地1期及2期
詳文可瀏覽：https://findmyplay.com/181121-07/

聖誕好去處 5：2021 香港繽紛冬日巡禮之聖誕小鎮

今年聖誕，西九文化區藝術公園海濱草坪打造一個「香港繽紛冬日巡禮」。聖誕小鎮中央內設有全場焦點必屬嘅巨型聖誕樹，高20米，逾6層樓高。同場更有音樂同特別亮燈效果！聖誕樹下有八間聖誕小屋同聖誕裝飾：包括有多棵小型聖誕樹、金屬馴鹿同古典電燈柱等等。大家不妨帶埋小朋友去睇燈飾同打卡 📸感受一下濃濃嘅聖誕節日氣氛啦！

📍2021 香港繽紛冬日巡禮之聖誕小鎮
日期：即日起 至 2022年1月2日
地點：西九文化區藝術公園 海濱草坪西面
詳文可瀏覽：https://findmyplay.com/281121-06/

聖誕好去處 6：Merry GIFTMAS @ Cityplaza

今個聖誕，於11月19日至明年1月2日，太古城中心聯同迪士尼與彼思攜手呈獻首個以經典動畫《怪獸公司》為主題嘅大型裝置，商場二樓中庭同中橋有多個怪獸公司大型裝置俾大家打卡！亦招募大家加入怪獸公司。化身為派送員將禮物派送俾大人細路，傳送聖誕快樂能量，令大家齊齊係太古城中心「LIVE HAPPY快樂識放」！

📍Merry GIFTMAS @Cityplaza
日期：即日起 至 2022年1月2日
地點：太古城中心2/F中庭及中橋
詳文可瀏覽：https://findmyplay.com/201121-02/

聖誕好去處 7：Berry Christmas in LotsoLand 聖誕士多啤梨熊世界

 
由11月12日至明年1月2日期間，全港首個以勞蘇為主題嘅士多啤梨工場《Berry Christmas in LotsoLand》登陸於葵芳新都會廣場。場內有6大勞蘇主題打卡位，包括有打卡區1. 9米長「毛茸茸長廊」、5米高巨型「勞蘇光影聖誕樹」、3. 3米高「動『莓』一刻互動專區等等。場內仲特設期間限定店添。 勞蘇粉絲們絕對唔好錯過啦！

📍Berry Christmas in LotsoLand 聖誕士多啤梨熊世界
日期：即日起 至 2022年1月2日
地點：葵芳新都會廣場L3-L4露天廣場
詳文可瀏覽：https://findmyplay.com/131121-03/

聖誕好去處 8：「Orient Express is coming to town」聖誕裝置

即日起至明年1月2日，中環 IFC 聯乘東方快車打造一個以巴黎古老車站為主題嘅「Orient Express is coming to town 」 。聖誕裝置包括中央火車站、東方快車車廂同車站街。東方快車車廂模仿4151號「北極星」車廂，午夜藍嘅車身同奢華嘅擺設！另外場內亦展出80多件來自東方快車嘅珍貴文物、古董、舊照片同歷史文獻。如果大家都想登上東方快車，就記得先到票務站領取車票！

📍「Orient Express is coming to town」聖誕裝置
日期：即日起 至 2022年1月2日
地點：ifc商場一樓中庭
詳細資料 : https://ifc.com.hk/xmas2021/tc/

聖誕好去處 9：Sparkling Wonderland by Pucky

時代廣場聯同本地藝術家畢奇於即日起至明年1月2日期間於銅鑼灣時代廣場地面露天廣場打造「Sparkling Wonderland by Pucky」。打卡位置包括有超過50棵金色發光聖誕樹、7米木製聖誕樹、3.5米高太空貓、300多個唔同大小由畢奇創作嘅精靈。令大家於森林世界內歡渡佳節。場內另設有畢奇嘅個人展覽，展出多份珍貴手稿同超過500件作品，大家千祈唔好錯過啦！

📍時代廣場x Sparkling Wonderland by Pucky

日期：即日起 至 2022年1月2日
地點：香港銅鑼灣時代廣場地面露天廣場 
詳細資料 : https://findmyplay.com/101221-04/

聖誕好去處 10：置地廣場 Christmas Joy House

每年聖誕置地廣場都花盡心思，今年亦唔例外！以「Christmas Joy House」為主題，來自唔同年代嘅玩具裝置同角色，包括28米長懸掛式空中聖誕列車、Slinky Slide滑梯、2.2米高Dinoshaun、3.3米巨型熊仔等打卡位！非常夢幻！
另外埸內亦設有四大收費玩樂設施，參觀「 Christmas Joy House 」、 Bauble Rush互動遊樂設施、Star Dash虛擬實境遊戲、「Just Pose!」攝影攤位。除咗小朋友開心之外，亦都勾起大人嘅童年回憶！

📍中環置地廣場「Christmas Joy House」
日期：即日起 至 2022年1月2日 
地點：香港中環皇后大道中15號

詳細資料 : https://findmyplay.com/081221-01/