我哋去過好多收費營地，不過今次嘅camping真係好最滿意嘅一次！真係有一種遠離煩囂、慢活嘅感覺！

相信好多人都介紹過、資料我就唔多講！今日主要講感覺！

一行入去真係覺得去咗一個世外桃源、難得嘅收費營地人數唔多 (可能係平日嘅關係 ) ！

最開心就係入住人數唔多，我哋旁邊嘅兩個營都係冇人嘅 ，大家都明白，有好多人玩到好嘢，我哋呢啲早訓嘅家庭真係好慘，所以喺度都奉勸一句：12點之後請將音量收細。唔好再喺度叫囂。

 

我哋入住南非營，營內提供被鋪及冷暖器。所以除非個日好凍，否則不用帶睡袋！

營前有一個大草地、有千秋、繩網等設施，可以比小朋友放電。

園內有24小時水機，提供冷、熱和暖飲用水，不過就要自備水樽。

晚餐我哋就帶cookset自己煮 （不過其實實營地有提供 )

早餐方便，我哋就比錢($45一位) 有面包, 穀物, 雞蛋, 點心, 牛奶, 橙汁等。

我最欣賞係個度嘅洗手間非常乾淨、從早到晚都無異味！淋浴間亦都係分開，熱水好足夠，仲有好貼心有個箱俾你放衣物，以免整濕！

雖然營地有各種嘅收費活動，不過今次我哋冇參加到，只係純粹一家人好好享受平靜嘅時間，睇書、跑跳、睇日落、散步….

地址：西園 長洲 西灣 DD CC Lot 12

前往方法：從中環 5 號碼頭乘坐渡輪抵達長洲，然後可以選擇以步行、踏單車或乘街渡前住西園。

網址：https://www.saiyuen.com/zh-hk