嘩! Harry Potter 大型裝置嚟咗香港呀!

今個聖誕，MegaBox將《哈利波特》經典場景一次過搬咗上L5中庭 ，只需踏上電梯有如瞬間走入魔法世界

⬆先推著行李車於 # 9 ¾ 月台登上 #霍格華茲特快列車 直駛 活米村，超多打卡位比大家大影特影

⬆最吸引係每小時都會落雪架，同時櫥窗內的魔法裝置都會 #動起來，火車亦噴住煙緩緩起動

⬆拿! 邊個話無得去旅行就無雪睇先? 配合埋高達 20 呎高的閃爍華麗聖誕樹，仿如置身不一樣的魔法歐陸聖誕！

 

除咗有相影，小朋友當然仲有野玩啦，可以去L9 展覽廳的「#魔法世界互動遊戲區」施展魔法嘞! 玩完Game仲有商戶Coupon拎走架~

⬆「魔法棒挑戰站」 手持魔法棒一邊念咒，一邊揮舞施放不同咒語

⬆「魁地奇投球特訓遊戲」騎上 1:1 飛天掃帚，於限時內將快浮球投進門柱鐵環之內，贏取分數

⬆Harry Potter迷記得去埋商場地下期間限定專賣店，有好多唔同的魔法精品賣啊！聖誕禮物又多左好多選擇啦～ 仲有即日消費滿指定金額，即可換領精美Harry Potter禮品添！

 

地址：香港九龍灣宏照道38號MegaBoxL5 中庭

開放日期：2021 年 11 月 18 日 – 2022 年 1 月 2 日

(互動遊戲逢星期六日及公眾假期開放，時間: 12:00nn – 7:00pm)