⬇人氣no.1 – EpicLand 歷奇王國
📎 詳文可瀏覽：https://findmyplay.com/040721-02/
今次介紹下大家都好熟悉嘅EpicLand，EpicLand入面設有一個For 三歲以下玩嘅區域，超貼心有軟墊，有短滑梯又有大型軟積木，啱晒小小小朋友搬上搬落慢慢玩！EpicLand嘅遊戲設施好多元化，有刺激，有考驗體力，有動有靜，大人都可以一齊玩，爸爸媽媽都會玩得勁開心。EpicLand必玩嘅設施有好多，彩虹滑梯啦五層樓高嘅玩樂區，飛索啦！真係多到數唔晒！
地址：香港大嶼山愉景灣愉景北商場地下G31
⬇浩海立方•探游館 Cube O Discovery Park
📎 詳文可瀏覽：https://findmyplay.com/220721-01/
呢間這間新開喺荃灣嘅playroom帶有豐富教育元素，而今次選擇咗玩平日10:30-12:30嘅時段。人好少玩得好舒服而且11點有導賞！時間啱啱好，有職員介紹唔同種類嘅水母，而且不時詢問小朋友問題同送上貼紙作獎勵，而且職員仲會餵水母BB食豐年蝦，小朋友就可以觀察住水母BB嘅變化，仲有VR game玩添而室內遊樂場位置雖然唔大，但每節2小時就剛好睇晒玩晒啦！
地址：新界荃灣西楊屋道88號Plaza 88 8樓
⬇Kids Kids Cars
📎詳文可瀏覽：https://findmyplay.com/11112102/
Kids Kids Car 登陸尖沙咀中港城，場地分成三大園區，包括有非常受歡迎嘅兒童電動車區，提供迷你私家車同道路小英雄。動態區有彈床、AR動感遊戲、小滑板同積木，而靜態區分為有超市，廚房，郵局，消防車，公主化妝枱等區域，提供消防員或公主等造型服裝。啱晒唔同年紀嘅小朋友嚟呢度放電！
電話 : 5646 2499
地址：尖沙咀廣東道 33 號中港城 UG/F 29-30 號舖
⬇DB Ice Rink
📎詳文可瀏覽：https://findmyplay.com/111121-03-2/
位於愉景灣嘅DB Ice Rink愉景灣溜冰場於今年5月開幕，係全港目前最新嘅溜冰場！場內設有大型電視同燈光設備，另外亦提供溜冰、花式溜冰及冰球等課程俾大家選擇，令大人細路都可盡情探索各種冰上運動。年紀較細嘅小朋友或者初學者可以選擇用溜冰輔助扶手，感受溜冰嘅樂趣。大家去愉景灣又多一個玩樂地方啦！
地址：香港大嶼山愉景灣愉景廣場C座地下
電話：2234 0187
⬇Kidztech
📎詳文可瀏覽：https://findmyplay.com/281021-01/
佔地56,000尺嘅KidzTech親子共融空間，結合咗室內大型遊樂場、廚藝教室、多用途派對場所、教育中心同共享工作空間。
場內設施包括有巨型七彩繽紛繩網陣、遙控車區、野生動物森林區、大型沙池區、互動STEM遊戲等⋯
除咗有好多玩樂設施之外，場地環境亦好舒適，對住無敵大海景，非常賞心悅目！
地址：黃埔環海街11號海名軒5樓
前往方法：港鐵黃埔站D2出口 5分鐘
⬇Q Time Cafe
今次介紹呢間親子餐廳係今年九月開業，餐廳最大特點就係有一個非常完善嘅母嬰專區，設有嬰兒床、哺乳室、消毒機、助熱器等設備。特別適合新手媽媽嚟呢度食飯，非常貼心！
食物方面兒童餐嘅選擇多元化，有DIY薄餅同cupcake可以俾小朋友親手組合配料，有得食之餘仲可以發揮創意！
另有有一個免費嘅兒童專區，有兒童遊樂場、小型圖書館等設施俾小朋友放電！
地址：鰂魚涌英皇道1001號12樓01室
前往方法：港鐵太古站 B 出口, 步行約5分鐘
電話：2383 3322
⬇Nobi Nobi 夢幻樂園
📎詳文可瀏覽：https://findmyplay.com/251121-02/
位於青衣嘅 NOBI NOBI夢幻樂園以可愛青蛙荷花池為主題嘅日式室內遊樂場。遊樂設施超過15款，包括有滑梯、繩網、腳踩鋼琴、跳彈床等等。樂園超抵玩入場之後無限時，$120 包一大一細！而且位置交通十分方便，絕對係小朋友嘅室內playroom放電之選！
地址：青衣青敬路31-33號青衣城1期1樓129-130
電話：2988 8000
⬇室內・冒險之島 DOCODOCO
📎詳文可瀏覽：https://findmyplay.com/231021-04/
日本超人氣室內遊樂場「室內・冒險之島 DOCODOCO」，上年喺香港開設首間海外分店，佔地5000呎。結合最新數碼技術同實體兒童遊樂設施，使用感測技術、投影技術、立體音響系統同即時動態捕捉技術，令小朋友有不一樣嘅互動遊樂新體驗。八⼤叢林主題冒險區，包括有⼩⼩沙灘、蘑菇木搭高台、呱呱池塘、咕嚕叫廚房、嘩啦嘩啦瀑布同撲通泥灘等等。絕對係將軍澳親子好去處！
地址 : 將軍澳康城路1號The LOHAS 康城4樓404-405號舖
⬇Bun’s 2020
📎詳文可瀏覽：https://findmyplay.com/071021-01/
上年先開業嘅全港最大室內滾軸溜冰場，位於鰂魚涌，佔地超過20,000平方呎。場地有好多打卡位。五光十色嘅霓虹燈、復古沙發同地磚，加上有DJ現場播放Disco音樂，好有氣氛！另外除咗有主場地以外，仲有新手訓練場，值得帶小朋友去體驗一下！
地址：鰂魚涌渣華道321號柯達大廈1期7樓
網址：http://www.buns2020.com.hk
電話：2779 2020
⬇Wings Flight Academy
📎詳文可瀏覽：https://findmyplay.com/141021-01/
召集所有飛機迷！疫情下一齊衝上雲霄！
想成為真正嘅機師，首先要踏上飛行夢想嘅第一步！最近Wings Flight Academy – 展翅飛行學會推出15、40、90分鐘時段嘅模擬飛行體驗同模擬飛行課程6堂。
首先小朋友免費換上機師服，可以開始體驗課程！由專業機師精心設計一系列適合小朋友體驗嘅課程🛩當中會學到初級飛行理論、飛機通用儀器講解、製作飛行物理實驗等等。好玩之餘亦學到好多飛行知識，家長梗係要全程幫小朋友打卡留念，最後完成課程或體驗班可獲取持牌民航機長頒發證書，絕對係一個難忘嘅體驗！
地點：荔枝角青山道485號九龍廣場20樓12室
報名連結於bio link 🔗 獨家9折優惠❕https://bit.ly/3mOpReDhttps://findmyplay.com/251121-02/
Add a comment