婆婆係觀音誕生日，每年嘅呢一日啊佢都會同佢去食齋慶祝，平時都係去屋企附近第一間齋館食。

 

但自從上年去完這個打咭非常靚嘅景點之後，知道裏面有間非常出名嘅齋菜館。香港人可能唔係好知道嘅一個景點，但係對於遊客來說，這裏喺香港數一數二嘅景點區。一來係 #免費入場，而且入面嘅園林景觀亦都非常之值得一訪，樹木修葺得非常之細緻，一池一花一草都值得大家入去。

有興趣可以睇返我上年介紹南蓮園池嘅文章

講返今次去食齋，預先book咗枱會比較好啲，晚市人均消費最低$150 (小朋友一米以下不需計費)，不能攜帶任何食物進入餐廳除奶粉外

聽遊客講咁出名，就等我哋試吓幾好食啦

我哋叫咗個六人餐，另外家長每位$30轉左燉湯。其中有幾樣嘅食物之前從來都冇食過(sorry見識少)

超級BB小青瓜

前菜見到佢嘅時候大家都覺得好特別，婆婆同姨婆們都話好少可會喺BB時期摘咗佢，因為生大左去買先至值錢，平時街市直情冇見過。食落口好爽脆鮮甜

（唔好意思，掛住食唔記得影相，淨係影得一舊仔）

繡球

係菇菌類嘅其中一種，外型勁似雪耳，但係咬落好爽口彈牙，又係喺街市度未見過嘅其中一款，婆婆們都係第一次食

 

野生石仙桃

喺燉湯裏面搵到嘅，職員介紹咬爆佢會有甘甜嘅味道，我食完都仲唔知係咩

其他嘅每一款食物都好好味，職員介紹佢哋嘅炒飯係出名好食，如果大家嚟可以試吓！

食完嘢慢慢行返出去散步，夜晚嘅園林都非常清幽雅致，一邊散步一邊消食，暫時忘卻都市嘅繁囂

 

泊車溫馨小提示

餐廳食滿$300有兩小時免費泊車，我哋當天都唔知道，泊咗喺荷里活廣場，好彩都係消費$100可以拍三個鐘。

 

@龍門樓-志蓮素齋

電話：3658 9388