一小時行山徑~看歷史建築水壩
– 沿路有3個廁所和4個涼亭，唔怕無地方去廁所和休息。
– 路線可自選，行多d或行少d、睇多d水塘和睇唔睇馬騮都可以自己話事。
– 如果推住bb車，建議由大埔道出發，行至石梨食水配水庫後折返。(因這部份的都是平路或斜路)
– 交通方便，容易到達。
對上一次黎，係1年前，小朋友剛剛4歲，沿路都需要坐喺亭度休息。
今次我哋由屋企行上去，只係用咗一小時，全程唔使抖，再唔係BB喇。
沿路有花花草草、蝴蝶同馬騮，仲有歷史悠久嘅水壩。今次同小朋友解釋吓水壩同水塘嘅用途。
今次小朋友竟然發現咗水塘嘅水比上次嘅少。我只想身體健康，陪你們走更長的路。
石梨食水配水庫＋九龍副水塘
起點：青山公路葵涌段(鍾山臺對面)
回程：到達金山後，可選擇繼續行下金山郊野公園或於大埔道乘72或81號巴士離去。
路線：第一個涼亭 > 打卡跑車(指示水塘位置) > 九華徑食水抽水站 > 長坑村避雨亭(第二個涼亭) > 長坑村遊樂場和長源路公廁 > 小竹林 > 紫花叢 > 石梨食水配水庫 > 第三個涼亭 > 九龍副水塘 > 公廁 > 大埔道(公廁及飲品機) > 金山
(前大半段有樓梯、平路和斜路，後半段都是平路或斜路）
(前大半段有樓梯、平路和斜路，後半段都是平路或斜路）
前往方法：
1)美孚港鐵站B出口出，向出口反方向走向播道神學院，轉左(不用過馬路) ，見到油站，繼續直行至荔枝角公共圖書館前過對面馬路繼續直行。左邊是盈暉臺和華荔邨，右邊是石山。再往前走便會見到鍾山臺入口。從鍾山臺出入口向上走到另一鍾山臺出入口，過對面馬路便是山徑入口。
2)乘搭97A小巴到鍾山臺站落車。(港鐵荔枝角站有得上車)
3) 乘巴士31B,36B,36X,38,38P,936號到鍾山臺站落車。
(注意交通可能因疫情有所影響，請去前查詢)
*視乎小朋友能力，如果擔心小朋友體力不足，建議直接選用2或3 的方法，直接到達起點出發。
Facebook
Email
WhatsApp
Add a comment